Оффшорын талаар ХЭН юу хэлэв?

Б.УЧРАЛ, iKon.mn

2016 оны 5 сарын 11

iKon.MN

Монголыг байтугай дэлхийг шуугиулж буй Панамын баримт бичгүүд дэлгэгдээд нэг хонож байна. Энэ хугацаанд зарим улсад албан тушаалтнууд огцорч, зарим нь байцаагдаж байгаа тухай олон улсын сэтгүүлчид мэдээллээ.

Тэгвэл Монголд хэвлэл мэдээллийн хэрэгсэл, сошиал орчинд оффшорын тухай хэдэн зуун мэдээлэл хөвөрч, нэр холбогдсон улс төрчид хэвлэлийн бага хурал хийж буруугүй гэдгээ тайлбарласан.

Нийгэмд оффшор данстай байх нь зөв буруу гэсэн мэтгэлцээн өрнөсөөр байна. Гэтэл манай Ерөнхий сайд байсан зарим нэг хүн энэ талаар огт мэддэггүй хэмээн жиргэв. Ингээд оффшорын талаар ХЭН ЮУ ХЭЛСНИЙГ сонирхоцгооё.

1. Энэ бол өчигдрийн хамгийн трэнд болсон жиргээ юм. Ерөнхий сайд асан маань "оффшор"-ыг анх удаа сонсоогүй гэж найдъя

Энэ оффшор мовшор гэдэг нь яг яадаг юм?
— Норовын АЛТАНХУЯГ (@altankhuyag_mn) May 10, 2016

2. Харин улсын "номер нэг" хүн буюу Ерөнхийлөгчийн байр суурь ийм байна

Эргийн гадна/offshore/ асуудалд Монгол улс онцгой анхаарах ёстой.Хуулийн зохицуулалт,хариуцлага,хяналт гээд.Санал байвал ийш: #offshoresanal
— Цахиагийн ЭЛБЭГДОРЖ (@elbegdorj) May 11, 2016

3. Нэр нь холбогдоод буй УИХ-ын гишүүн Сү.Батболд, Д.Цогтбаатар нар энэ асуудлаар хэвлэлийн бага хурал хийж тайлбар өгсөн. Энэ тухай бид өмнө нь мэдээлсэн билээ.

Сү.Батболд: Оффшор компани байгуулаад данс эзэмшээд байгаа юм байхгүй https://t.co/0V53DkMdpg
— Batbold Sukhbaatar (@BatboldSukh) May 10, 2016

4. Хүний эрхийн хуульч М.Ичинноров ийм харьцуулалт хийжээ

НӨАT баримт өгөөгүй гээд ТҮЦ-н ядарсан хөгшчүүлийг хөөдөг улс оффшор дансанд хөрөнгөө нуусан хүмүүст ямар хариуцлага тооцох гэж байна? хууль
— Ichinnorov Manjaa (@ichinnorovm) May 11, 2016

5. Хотын даргын талаар нэлээн ширүүхэн үгийг жиргээнд олон дагагчтай Бат Инженер хэлсэн юм

Чулуудай ааваасаа тэндэр авч мөнгөжсөн. Чулуудайн оффшор мөнгө бол БатҮүлийн мөнгө. БатҮүл хотын татвар нэмчээд өөрөө татвараас зугатааж бн
— БАТ ИНЖЕНЕР (@batengineer) May 9, 2016

6. Харин Д.Энхбат оффшор данстай хүмүүс огцордог тухай мэдээлэл өглөө. Энэ нь олон хүний дэмжлэг авсан байгаа харагдана

Нууц оффшор данс бол хулгайн бодит баримт гэж улс орнууд үздэг. Тиймд илэрсэн улс төрчид шууд огцордог. Хуулийн хариуцлага тусдаа яригдана
— Enkhbat Dangaasuren (@enkhbat) May 9, 2016

7. МАН-ын хуулийн зөвлөх ингэж "зөвлөжээ"

Улс төрчид хөрөнгө орлогын мэдүүлэг гаргадаг Авлигын хууль 2006 оны 7 сард батлагдсан. Үүнээс өмнөх оффшор бол гадаад дахь хадгаламж л юмдаа
— Баттөмөрийн ЭНХБАЯР (@Enkhbayar_bat) May 9, 2016

8. Харин шог нийтлэлч Б.Цэнддоогийн "шог жиргээ" олон хүнийг хөгжөөгөөд авав

хүүхэд байхдаа, эмээгийнхээ офшоорны чихрийг хайсаар байгаад олчихдог байж билээ. Орны ширгүү, цаваг гээд олон Панамтай эмгэн бж
— Цэнддоо (@Tsenddoo1) May 10, 2016

9. Туршлагатай сэтгүүлчийн өөр өнцөг

Сонгуулийн өмнө баахан хувааж бутаргасан бохир давалгаа явж бна. Мүүнээр эхлээд одоо Оффшор. Үзэгдлийн хувьд дэвэргэхгүй орхих хэрэгтэй ш дэ
— Б.Ганчимэг сэтгүүлч (@ganchimeg6163) May 11, 2016

10. Үүнийг далимдуулаад хууль хяналтынхан чансаагаа үзүүлэх хэрэгтэй гэв

АТГ, цагдаа, прокурор, шүүх, хууль хяналтынхан "бие даан ажиллаж чаддаг тогтолцоо" эсэхээр шалгалт өгөх цаг болж дээ. #offshoreleaks
— Мэндсайхан ЭНХСАЙХАН (@Enkhsaikhan_PM) May 10, 2016