Хятадад шилэн гүүр цуурчээ

Ашиглалтад ороод удаагүй байгаа ч Хятадын Хэнань мужид орших Юньтай уулыг харах зориулалттай, дтд 1,080 метрийн өндөрт орших шилэн гүүрний нэг хэсэг цуурчээ. 

Жирийн шилнээс гурав дахин бат бөх, зузаан гэж байсан гүүрийг цуурсан тухай Мягмар гарагт Хятадын олон нийтийн сүлжээ Weibo сайтад нэгэн жуулчин нийтэлсэн байна.

Тэрбээр “Намайг гүүрний төгсгөл хэсэгт ирж байхад гэнэт хөл дор дуу чимээ, чичиргээ мэдэгдсэн” гэжээ. Цууралтын үеэр ойр хавьд нь байсан жуулчид сандарч, хашгиралдсан байна. Азаар ямар нэгэн хүн гэмтэл, бэртэл аваагүй гэдгийг мэдэгджээ.

Харин гүүрийг барьсан компанийн зүгээс энэхүү цууралт нь гадны нөлөөтэй бөгөөд ямар нэг хурц өнцөгтэй зүйл унасан байж болзошгүй гэсэн байна. Уг гүүр есдүгээр сарын 20-нд нээлтээ хийсэн юм. 

 

Эх сурвалж: CNN