ХУУЧИРСАН МЭДЭЭ: 2026/10/14-НД НИЙТЛЭГДСЭН

"Замын хөдөлгөөний дүрмийн өөрчлөлтөд скүүтер, мопедыг жолоодох, түрээслэх зэрэг харилцаанд хүлээх хариуцлагыг тодорхой тусгасан"

Б.Бадамгарав, IKon.mn
2026 оны 10 сарын 14
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав
эрэмбэлэх:   шинэ нь эхэнд хуучин нь эхэнд

18:48 2026/10/14

Замын хөдөлгөөний дүрмийн өөрчлөлтийн талаар Хууль зүй, дотоод хэргийн сайд Г.Тэмүүлэн өнөөдөр мэдээлэл хийсэн. Ингэхдээ скүүтер, мопед, цахилгаан дугуй болон түүнтэй адилтгах тээврийн хэрэгслийг ашиглах насны ангиллыг шинэчилж буйг мэдэгдсэн. Тухайн үед "10-16 насныхан явган хүний болон дугуйн замаар эдгээр тээврийн хэрэгсэлтэй зорчиж болно" гэсэн юм. Энэ зохицуулалтын талаар Тээврийн Цагдаагийн Алба(ТЦА)-наас нэмж тодруулахад "Замын хөдөлгөөний дүрэмд өмнө нь 10-14 насныхан явган хүний болон дугуйн замаар унадаг дугуйтай зорчиж болно гэсэн зохицуулалт байсныг 10-16 насных болгон шинэчилсэн. Түүнээс биш цахилгаан дугуй, скүүтер, мопедыг 18 ба түүнээс дээш насныхан ашиглах хуулийн заалттай" гэж хариуллаа.

 

14:48 2026/10/14

Засгийн газрын өнөөдрийн хуралдаанаар Монгол Улсын Замын хөдөлгөөний дүрэмд скүүтер, цахилгаан дугуй, мопедтой холбоотой зарим өөрчлөлтийг оруулахаар шийдвэрлэжээ.

Хууль зүй, дотоод хэргийн сайд Г.Тэмүүлэн энэ талаар "Улсын хэмжээнд 34,000 орчим мопед, скүүтер, түрээсийн үйлчилгээ үзүүлэгч найман аж ахуйн нэгж байна. Өнгөрсөн хоёр жилийн хугацаанд мопед, скүүтерийн хамааралтайгаар осол, гэмтэл нэмэгдэж байна. 2025 онд 200 орчим хүүхэд залуус гэмтсэн бол энэ онд 330 болж нэмэгдсэн байна. Зохицуулалтыг зөв болгох зайлшгүй шаардлагатай.

Иймд өнөөдөр Замын хөдөлгөөний дүрэм оруулсан үндсэн өөрчлөлт нь насны хязгаарыг зааж байна. 

  • 10 хүртэл настай хүүхдийг харгалзан хүнгүйгээр хөдөлгөөнд ямар нэг байдлаар оролцуулахгүй,
  • 10-16 насны хүүхдүүд явган хүний болон дугуйн замаар унана,
  • 18 наснаас дээш насныхан цахилгаан дугуй, мопед, скүүтер жолоодох эрхтэй байна гэж зохицуулалтыг тодорхой болголоо.

Өмнө батлагдсан хуулийн хэрэгжилтийг бүрэн хангуулах зохицуулалтыг Замын хөдөлгөөний дүрмийн өөрчлөлтөөр бүрдүүллээ. Мөн хариуцлагыг тодорхой тусгасан" гэв.

18:48 2026/10/14

Замын хөдөлгөөний дүрмийн өөрчлөлтийн талаар Хууль зүй, дотоод хэргийн сайд Г.Тэмүүлэн өнөөдөр мэдээлэл хийсэн. Ингэхдээ скүүтер, мопед, цахилгаан дугуй болон түүнтэй адилтгах тээврийн хэрэгслийг ашиглах насны ангиллыг шинэчилж буйг мэдэгдсэн. Тухайн үед "10-16 насныхан явган хүний болон дугуйн замаар эдгээр тээврийн хэрэгсэлтэй зорчиж болно" гэсэн юм. Энэ зохицуулалтын талаар Тээврийн Цагдаагийн Алба(ТЦА)-наас нэмж тодруулахад "Замын хөдөлгөөний дүрэмд өмнө нь 10-14 насныхан явган хүний болон дугуйн замаар унадаг дугуйтай зорчиж болно гэсэн зохицуулалт байсныг 10-16 насных болгон шинэчилсэн. Түүнээс биш цахилгаан дугуй, скүүтер, мопедыг 18 ба түүнээс дээш насныхан ашиглах хуулийн заалттай" гэж хариуллаа.