Ресторан, зочид буудал, амралтын газар, авто үйлчилгээний татварыг 1% болгох тогтоолын төсөл боловсруулжээ
Хотын албан татварын хувь хэмжээг тогтоох тухай тогтоолын төслийг нийслэлийн удирдлагууд хэлэлцсэн байна.
Тогтоолын төсөлд нийслэл хоёр төрлийн бараа, зургаан төрлийн үйлчилгээнд 2%-ийн татвар ногдуулдаг ресторан, зочид буудал, амралтын газар, автомашин угаалгын газар, авто үйлчилгээ зэрэг зургаан төрлийн үйлчилгээний татварыг 1% болгож, 50 хувиар багасгахаар тусгажээ.
Харин бүх төрлийн тамхи, тамхин бүтээгдэхүүн, тэдгээрийн дагалдах хэрэгсэл, бүх төрлийн согтууруулах ундааны татвар 2% буюу хэвээр байх юм байна.
Шатахууны хомсдолоос шалтгаалсан инфляц, үнийн өсөлттэй холбогдуулан аж ахуйн нэгж, байгууллагуудад төрөөс дэмжлэг үзүүлэх зорилгоор зургаан төрлийн үйлчилгээний татварыг 1% болгож, 50 хувиар багасгах тогтоолын төслийг боловсруулжээ.
Энэхүү төслийг НИТХ-ын хуралдаанаар эцэслэн шийдвэрлэх учиртай.
Өмнө нь наймдугаар сард НИТХ-ын хуралдаанаар аж ахуйн нэгж үйл ажиллагаа эрхлэхэд шаардлагатай 103 төрлийн зөвшөөрлийг цуцалсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
