"Дакар Ралли 2026"-д Монголын хоёр тамирчин өрсөлдөнө
Дэлхийд алдартай "Дакар Ралли" уралдаанд оролцох эрх авсан тамирчдыг өчигдөр албан ёсоор зарлав. Энэ удаагийн мотоциклийн төрөлд Монгол Улсаас хоёр тамирчин өрсөлдөх эрхээ авчээ.
Тодруулбал өнгөрсөн жил тус уралдаанд хурд сорьсон П.Мөрөн болон Монгол Улсын Гавьяат тамирчин Э.Халиунболд нар ирэх нэгдүгээр сард Саудын Арабын элсэн цөлд уралдахаар болов.
"Дакар Ралли 2026" тэмцээн ирэх оны нэгдүгээр сарын 3-наас 17-ныг дуустал үргэлжилнэ. Саудын Арабын Улаан тэнгисийн эрэг орчмоор нийт 8,000 км замыг туулах энэ уралдаан Саудын Арабын Янбу-эль-Бахр хотоос эхлээд 14 хоногийн дараа эхэлсэн цэгтээ буцах учиртай.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
