СЭРЭМЖЛҮҮЛЭГ: "Судалгаа бөглүүлнэ" гэх нэрийдлээр иргэдийн фэйсбүүк хаягт хууль бусаар халдаж, ₮18 саяыг залилжээ
"Судалгаа бөглүүлнэ" гэх нэрийдлээр иргэдийн фэйсбүүк хаягт хууль бусаар халдаж, бусдыг залилсан хэргийг Цагдаагийн Ерөнхий Газраас сэрэмжлүүлэв.
Тухайлбал иргэн Б нь фэйсбүүк хуудаснаа байршуулсан "20 мянган төгрөгөөр судалгаа бөглүүлнэ" гэх зар мэдээллийн дагуу Ц гэгчтэй холбогдож, өөрийн гар утасны дугаарт ирсэн зургаан оронтой нууц кодыг бусдад дамжуулан өгсөн байна.
Уг хэрэгт мөрдөн шалгах ажиллагаа явуулж иргэн Ц-гийн "Цахим орчинд судалгаа бөглүүлнэ" гэх хуурамч зар мэдээллийг байршуулж, кибер орчинд зөвшөөрөлгүйгээр хандаж, мэдээллийн системд нэвтэрч бусдын эд хөрөнгийг залилсан үйлдэлд Эрүүгийн хуулийн тусгай ангийн 17.3 дугаар зүйл, 26.1 дүгээр зүйлд зааснаар тус тус яллагдагчаар татан хэргийг шүүхэд шилжүүлэх саналтай прокурорын байгууллагад шилжүүлжээ.
Фэйсбүүк цахим хаягийн нууцлалын тохиргоог сайжруулах нь нэр төр, эд хөрөнгө, бусад үнэт зүйлс цахим орчинд гэнэтийн хохирогч болохоос урьдчилан сэргийлнэ гэдгийг ЦЕГ-аас санууллаа.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
14 СЭТГЭГДЭЛТЭЙ
|
