Уншиж байна ...

Хотын захиргааныхан Яармаг руу нүүх хугацаа хойшилжээ

Б.МАНЛАЙ, IKON.MN
2024 оны 2 сарын 27
iKon.MN
Зураг зураг
Гэрэл зургийг Mpa.mn

"НЗДТГ болон харьяа агентлагууд гуравдугаар сарын 1-н гэхэд Яармаг руу бүрэн нүүнэ" хэмээн Хотын дарга өнгөрсөн сард мэдэгдэж байв.

Энэ ажлын явцын талаар эх сурвалжаас тодруулахад "Яармаг дахь шинэ байр руу нүүгээгүй, дөрөвдүгээр сард багтаж нүүнэ. Барилгын ажилтай холбоотойгоор хойшлогдсон" гэсэн мэдээллийг өгөв.

Хэрэв НЗДТГ болон харьяа агентлагууд нүүчихвэл Хангарди ордныг Улсын Дээд Шүүх, Шүүхийн Ерөнхий Зөвлөл, Шүүхийн сахилгын хороонд өгөхөөр болжээ. Харин хуучин буюу төв талбайн баруун талын гурван давхар байшинд төр, хувийн хэвшлийн түншлэлээр хөрөнгийн менежмент хийхээр олон нийтэд нээлттэй тендер зарлах аж.

Нийслэлийн төр захиргааны байгууллагад 2,000 орчим ажилладаг бөгөөд Яармаг руу нүүвэл хотын төвийн түгжрэл тодорхой хэмжээгээр буурна гэж үзжээ.

Яармаг дахь шинэ "Хангарди" ордны барилгыг 2018 онд барьж, 2021 онд эхний хэсэг ашиглалтад орсноор нийслэлийн Хот байгуулалт, хөгжлийн газар, Газар зохион байгуулалтын алба шинэ байр руугаа нүүж орсон билээ.