ХЯЗААЛАН: Говь-Алтай аймгийн Жаргалант сумын Д.Жаргалсайханы халтар морь түрүүллээ

Гэрэл зургийг MPA агентлагийн онцгой зөвшөөрөлтэйгөөр ашиглав

Үндэсний их баяр наадам зохион байгуулах хорооны Хурдан морины салбар хорооноос мэдээлэл хийж, хязаалан насны морьдын уралдаанд айрагдсан морьдыг танилцууллаа.

1. Говь-Алтай аймгийн Жаргалант сумын Д.Жаргалсайханы туулай ланзан тамгатай халтар морь түрүүлсэн. Морийг М.Мянганзул \11 настай\ гэх хүүхэд унасан.
2. Өвөрхангай аймгийн Хужирт сумын Шунхлай группийн ерөнхийлөгч Т.Батсайханы тогоруу халзан аман хүзүүлсэн. С.Билэгбаатар гэх эрэгтэй хүүхэд морийг унасан.
3. Булган аймгийн Сэлэнгэ сумын Х.Бөхбатын морь гуравдугаарт давхив. Морийг М.Адистай гэх 13 настай хүүхэд унасан.
4. Говь-Алтай аймгийн Эрдэнэ сум Ц.Дэмбэрэлсайханы морь айрагдсан. Н.Мөнхбат гэх 13 настай хүүхэд унасан.
5. Дархан-Уул аймгийн Дархан сум Г.Ариунболдын морь айргийн тавд хурдаллаа. Морийг Т.Баяртүвшин гэх есөн настай эрэгтэй хүүхэд унасан.

Морины салбар хороо уралдаад хуулийнхаа дагуу эхний айрагдсан таван мориороо барих шийдвэр гаргасан” гэлээ.

Морьд барианд ороход айрагдсан морьдын сэрвээний өндрийг дахин хэмжсэн асуудал гарч олон нийтийн бухимдлыг төрүүлсэн билээ. Энэ талаар сэтгүүлчид нэмж тодруулав.

"Айрагдсан морьдыг дахиж сэрвээний өндрийг хэмжихгүй. ХХААХҮ-ийн сайд Х.Болорчулууны ирүүлсэн санал амьдралтай нийцэхгүй байна"

 

Гэрэл зургийг MPA агентлагийн онцгой зөвшөөрөлтэйгөөр ашиглав

Морины салбар хорооны төлөөлөл хэлэхдээ “Баяр наадмын тухай хуульд айрагдаж түрүүлсэн морьдыг зөвхөн шүдэлнэ гэсэн заалттай.

Сая морьдыг барианд ирсэн хойно ХХААХҮ-ийн сайд Х.Болорчулууны ирүүлсэн саналын дагуу Морины салбар хороо хуралдсан юм. 

Гэвч энэ саналынх дагуу явах нь комисст их хүнд байгаа ба амьдралтай нийцэхгүй байна. Иймд бид цаашид хуулиа барьж явна. Айрагдсан морьдыг дахиж сэрвээний өндрийг хэмжихгүй. Хууль, дүрмээрээ явна. Камержуулалтаа сайн явуулна. Морины комисс хэн нэгний хараанд биш бие даагаад шударга явуулахыг зорьж байна” гэлээ.

240 хязаалан уралдуулахаар бүртгүүлснээс 107 нь хасагдсан аж.