"Эрдэнэбүрэнгийн УЦС барих газрын соёлын өвийг шилжүүлэх, иргэдэд өгөх нөхөн олговрыг 2024 онд багтаан дуусгана"

https://erdeneburenhpp.mn/

УИХ-ын үдээс хойших чуулганы нэгдсэн хуралдаан эхэллээ. Хуралдаанаар УИХ-ын гишүүн Х.Ганхуягаас Эрчим хүчний сайдад хандаж "Эрчим хүчний хангамжийн найдвартай байдлын талаар" тавьсан асуулгын хариуг сонсож байна. 

Асуулгын хариуг Эрчим хүчний сайд, УИХ-ын гишүүн Б.Чойжилсүрэн танилцуулав. 

Тэрбээр "Эрдэнэбүрэнгийн усан цахилгаан станцын асуудлаар миний бие хоёрдугаар сарын 10-15-ны хооронд БНХАУ-д ажиллаад ирлээ. Энэ үеэр Эксим банк болон төсөл гүйцэтгэгч компанийн төлөөлөлтэй уулзсан юм. БНХАУ-ын талаас энэ оны долдугаар сарын үеэр манай улсад албан ёсны айлчлал хийх үеэр зээлийн тусгайлсан хэлэлцээрийг хийнэ гэж байр сууриа илэрхийлсэн.

Энэ хугацаанаас өмнө нь манай талаас тус улсад айлчлал хийж магадгүй. 2023, 2024 онд багтаан Монголын талаас авч хэрэгжүүлэх бүх арга хэмжээг дуусгана. Усан сан байгуулах хэсэгт байгаа соёлын өвийг 2023-2024 онд багтаан нүүлгэн шилжүүлж, иргэдэд олгох нөхөн олговрыг олгох Засгийн газрын тогтоол гарсан" хэмээн ярив. 

Уг усан сан байгуулах газарт 270 өрх буюу 1,241 иргэн амьдардаг бөгөөд бүрэн нүүлгэх шаардлагатай юм байна. Засгийн газраас тухайн 270 өрхийн иргэн бүрд 15,200,000 төгрөг олгох шийдвэр гаргасан аж. 

ШУУД ҮЗЭХ: