ХУУЧИРСАН МЭДЭЭ: 2022/01/10-НД НИЙТЛЭГДСЭН
"Манай оронд нийлүүлэгдсэн Pfizer вакцины шошго дээрх хүчинтэй хугацаа гурван сараар сунгагдсан"
iKon.MN
Гэрэл зургийг mpa.mn
Манай улсад коронавируст халдварын эсрэг дархлаажуулалтад ашиглаж буй Pfizer вакцины заримынх нь шошго дээрх хүчинтэй хугацаа дуусаж буй.
Харин үйлдвэрлэгчдийн зүгээс хадгалалтын зөв горимд буюу Цельсийн -60-аас -90С хэмийн гүн хөлдөөгчид хадгалсан тохиолдолд хадгалалтын хугацааг дахин гурван сараар сунгаж ашиглаж болохыг албан ёсоор мэдэгдсэн захиаг Дэлхийн эрүүл мэндийн байгууллагаас 2021 оны есдүгээр сарын 21-нд Pfizer компанид хүргүүлжээ.
Ингэснээр манай оронд нийлүүлэгдсэн вакцины хадгалалтын хугацаа мөн адил гурван сараар сунгагдаад байна. Үүнтэй холбоотойгоор Pfizer компани үйлдвэрээс гарч байгаа вакцины шошгон дээрх хүчинтэй хугацаагаа есөн сар болгон гаргаж эхэлсэн байна.
Эх сурвалж: Засгийн газрын Хэвлэл мэдээлэлтэй харилцах газар
