Гэрэл зургийг mpa.mn

Монгол Улсын Шүүхийн тухай хуулийн шинэчилсэн найруулгыг 2021 оны гуравдугаар сарын 1-ний өдрөөс дагаж мөрдөж эхэлсэн. Уг хуулийн 77, 95 дугаар зүйлд заасны дагуу Шүүхийн ерөнхий зөвлөлийн болон Шүүхийн сахилгын хорооны шүүгч бус гишүүнийг УИХ нээлттэйгээр нэр дэвшүүлж, сонгон шалгаруулсны үндсэн дээр томилгооны сонсгол хийж томилохоор заасан.

Шүүхийн ерөнхий зөвлөлийн шүүгч бус гишүүнд 29 хүн нэр дэвшсэнээс сонгон шалгаруулалтын явцад гурван хүн нэрээ татсан бол нэг хүний төрийн алба хаах насны дээд хязгаарт хүрсэн, нэг хүн ярилцлагад ороогүй тул бүртгэлээс хасаж нийт 24 хүн, Шүүхийн сахилгын хорооны шүүгч бус гишүүнд 24 хүн нэр дэвшсэнээс сонгон шалгаруулалтын явцад нэг хүн нэрээ татсан тул 23 хүнийг сонгон шалгаруулалтад оролцуулжээ. 

Сонгон шалгаруулалтын ажлын хэсэг 2021 оны аравдугаар сарын 19-нд хуралдаж УИХ-д санал болгох нэр дэвшигчдийг тодруулж, Ажлын хэсгийн гишүүдийн олонхын санал авсан нэр дэвшигчдийг олон нийтэд танилцуулж байна.

ШЕЗ-ийн шүүгч бус гишүүнд Ажлын хэсгийн гишүүдийн олонхын санал авсан зургаан нэр дэвшигч

Н.Отгончимэг

Боловсрол: 

• 2012 King’s College London (Кингс Коллеж Лондон), хууль зүйн магистр /LLM/
• 2001 Екатеринбург, ОХУ, Уралын Их Сургууль, хүний эрхийн курс
• 1999 МУИС-ийн магистрантур, магистр /МА/
• 1998 МУИС-ийн Хууль зүйн сургууль, эрх зүйч /бакалавр/

Н.Баасанжав

Боловсрол: 

• ХБНГУ-ын Бавари мужын Мюнхэн хотод байрлах Людвиг Максимлианы Их сургуулийн Хууль зүйн магистрын сургалтыг 1999-2002 онд суралцан “хангалтай” үнэлгээтэй төгссөн.
• ХБНГУ-ын Эрдмийн солилцооны алба Deutsche Akademische Amt-DAAD)-ын тэтгэлэгтэйгээр Профессор, доктор Брунно Симмa-Brunno Simma удирдлагад “Дэлхийн Худалдааны Байгууллагаар маргаан шийдвэрлэх механизм” сэдвээр Магистрын ажлыг бичиж, Хууль зүйн магистрын (LL.M) зэргийг хамгаалсан

Д.Эрдэнэчимэг

Боловсрол: 

• 2017-2019 онд Отгонтэнгэр Их Сургуулийн эрх зүйн докторын хөтөлбөрөөр суралцаж, 2019 онд Дотоод хэргийн их сургуулийг түшиглэсэн докторын зэрэг хамгаалуулах зөвлөлд “Барааны тэмдэг, зохиогчийн эрх хоорондын зөрчил, шийдвэрлэх арга зам” сэдвээр хууль зүйн докторын зэрэг хамгаалсан.
• 2016-2017 онд Дэлхийн Оюуны өмчийн байгууллага болон Италийн Турины Их Сургуулийн хамтран хэрэгжүүлдэг сургалтад хамрагдаж “Using intellectual property as collateral” буюу “Оюуны өмч барьцааны зүйл болох нь” сэдвээр Оюуны өмчийн эрх зүйгээр мэргэшсэн магистр (LL.M) зэрэг хамгаалсан.
• 2012-2013 онд АНУ-ын Калифорнийн их сургуулийн Беркли дэх хуулийн сургуульд /UC Berkley law/ зочин, судлаач
• 2007-2010 онд Япон Улсын Нагояагийн Их Сургуульд суралцаж, “Risk factors of the Mongolian land registration system” буюу “Монголын газрын эрх зүйн тулгамдсан асуудлууд” сэдвээр хууль зүйн ухааны магистр (LL.M) зэрэг хамгаалсан.
• 1998-1999 онд МУИС-ийн ХЗС-д суралцаж, “Шинжлэх ухаан, утга зохиол урлагийн бүтээлийг хамгаалах эрх зүйн зохицуулалтыг боловсронгуй болгох нь” сэдвээр магистрын зэрэг хамгаалсан.
• 1994-1998 онд Отгонтэнгэр Их Сургуульд суралцаж, олон улсын эрх зүйч мэргэжлээр төгссөн.

Д.Зүмбэрэллхам

Боловсрол: 

• 2006-2001 онд МУИС-ийн докторантур
• Хууль зүйн ухааны доктор -2001 онд
• 1979-1984 онд ОХУ-д Мөрдөн байцаагчийн дээд сургууль
• Эрх зүйч бакалавр- 1984 онд

Н.Мөнгөнцэцэг

Боловсрол: 

• МУИС, ОУХС 2007.06- 2009.06 магистр 
• МУИС, ХЗС 1999.09- 2002.01 эрх зүйч, бакалавр 
• Хүмүүнлэгийн ухааны их сургууль 1993.09- 1997.06 франц, орос хэлний орчуулагч, бакалавр 

Р.Онончимэг 

Боловсрол: 

• 2018 оноос МИУС-ХЗС-ын докторантурт элсэн суралцаж байна.
• 2009-2011, Хүмүүнлэгийн ухааны их сургууль, Англи хэлний орчуулагч, хүмүүнлэгийн ухааны бакалавр
• 2005-2007, Удирдлагийн академи, Бизнесийн удирдлагын менежер, 
• 2001-2003, Монгол улсын их сургууль, Хууль зүйн сургууль, хууль зүйн магистрын зэрэг
• 1996-2000, Монгол улсын их сургууль, Хууль зүйн сургууль, эрх зүйч, хууль зүйн ухааны бакалаврын зэрэг 

Шүүхийн сахилгын хорооны шүүгч бус гишүүнд Ажлын хэсгийн гишүүдийн олонхын санал авсан таван нэр дэвшигч