2021/09/23
Америк доллар
МОНГОЛ БАНК:
2,848.51₮
B30
УЛААНБААТАР
15°
|
B30
УЛААНБААТАР
20°
|
B30
УЛААНБААТАР
17°
|
11°
19:00
S31
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
03:00
S31
04:00
S31
05:00
S29
06:00
S29
Энэ мэдээ хуучирсан буюу 2021/03/26 -нд нийтлэгдсэн мэдээ болно.

Л.Оюун-Эрдэнэ: Дөрөвдүгээр сарын 5-19-нд хатуу хөл хорио тогтоох магадлал туйлын өндөр болсон

Б.Бадамгарав, IKon.mn
2021 оны 3 сарын 26
iKon.MN
Зураг
Гэрэл зургийг mpa.mn

Монгол Улсын Ерөнхий сайд Л.Оюун-Эрдэнэ коронавирусийн эсрэг вакциныг татан авах ажлыг хэрхэн зохион байгуулж буй талаар мэдээлэл өглөө. 

Тэрбээр "Монгол Улс хүн амаа вакцинжуулсан үзүүлэлтээрээ Ази, Номхон далайн бүс нутагтаа Сингапур улсын дараагаар хоёрдугаарт явж байна. Дэлхийд 16-17 дугаарт байгаа. 4-5 дугаар сар нь манай улсын эдийн засаг идэвхждэг цаг хугацаа. Дэлхий дахинд цар тахлын тохиолдол нэмэгдсээр байна. Үүнээс сэргийлэх ганц гарц нь вакцинжуулах юм. Дөрөвдүгээр сард вакцинжуулалтыг өргөн хүрээнд хийнэ. 

Бид ОХУ-тай 300,000 тунг нь тусламжаар, нэг сая тунг арилжааны шугамаар авахаар хөөцөлдсөн. Өчигдөр Элчин сайд Д.Даваа утасдаж, манай дугаарлалт урагшилсан тухай таатай мэдээлэл дуулгасан. Өнөөдрөөс гэрээ хэлэлцээр хийгдэнэ. Мөн Энэтхэг улсын Засгийн газартай АстраЗенека вакцин авахаар хэлэлцэж байгаа. Энэ талаар олон нийтэд мэдээлэл цаг хараахан болоогүй. 

Түүнчлэн БНХАУ-аас 900,000 орчим тунг авна. Дөрөвдүгээр сарын 1-нээс өмнө 300,000 орчим нь ирэх учиртай. Үүний зэрэгцээ Япон улсын Засгийн газартай КОВАКС хөтөлбөрийг хэрхэн наашлуулах талаар ярилцаж байгаа. 

Засгийн газар, холбогдох яамд хамтран ажиллаж байгаа. Ерөнхий сайд өдөржин, шөнөжин улс орнуудын Засгийн газартай утсаар ярьж, албан бичгүүд илгээж байна. Зарим улстай 5-10 удаа утсаар ярьж байна. Дархлаажуулалт нь эдийн засгаа сэргээх шийдэл тул чадах бүхнээ хийж байна" гэлээ. 

Мөн Монгол Улсын Ерөнхий сайд Л.Оюун-Эрдэнэ "Цар тахлын тохиолдол нэмэгдсээр байна. Бид амалсныхаа дагуу хатуу хөл хорио тогтоох болбол 10-14 хоногийн өмнө мэдээлнэ гэж зарласан. Хөл хорио тогтоох хугацаа нь дөрөвдүгээр сарын 5-наас эхэлж байж магадгүй байна. Өнөөдөр Засгийн газрын зарим гишүүн, Улсын Онцгой комисс болон нийлслэлийн удирдлагууд хамтарсан хурал хийж, нөхцөл байдлыг дахин үнэлнэ. Хөл хорио тавихгүй байхын төлөө эцсийн мөч хүртэл Засгийн газар зогсоно. Хөл хорио тавих шиг амархан зүйл үгүй. Хэрэв ингэвэл эдийн засагт гарч буй таатай үзүүлэлт зогсох тул Засгийн газарт аж ахуйн нэгж, иргэдийн дэмжлэг хэрэгтэй байна.

Одоогоор дөрөвдүгээр сарын 5-19-нд хатуу хөл хорио тогтоох магадлал туйлын өндөр болсон" гэсэн юм.

ВИДЕО:

https://fb.watch/4s_Zk5RQXB/

 

x