ТАНИЛЦ: НИТХ-ын даргад нэр дэвшигч Ж.Батбаясгалангийн боловсрол болон ажлын туршлага

Гэрэл зургийг mpa.mn

МАН-ын Удирдах зөвлөл өнөөдөр хуралдаж, НИТХ-ын даргад Ж.Батбаясгаланг нэр дэвшүүлэхийг 100 хувийн саналаар дэмжсэн билээ. 

Маргааш буюу аравдугаар сарын 23-ны Баасан гарагт товлогдсон НИТХ-ын Анхдугаар чуулганы хуралдаанаар Нийслэлийн ИТХ-ын даргыг сонгоно. 

НИТХ-ын даргад нэр дэвшигч Ж.Батбаясгалангийн намтраас хүргэж байна. 

Тэрбээр 1983 онд төрсөн. 37 настай. 

Боловсролын байдал:

• 1990-1991 онд Москва хотын 779-р дунд сургууль
• 1991-1999 онд “Эрдмийн ундраа” цогцолбор сургууль
• 2000-2004 онд “Түшээ” дээд сургууль
• 2010-2019 онд МУИС-ийн Хууль зүйн сургуулийг тус тус төгссөн.

Эрх зүйч, Хууль зүйн ухааны  магистрын зэрэгтэй.

Ажилласан байдал: 

• 2004-2006 онд УИХ-ын Тамгын газар
• 2006-2008 онд УИХ-ын Тамгын газар, УИХ -ын гишүүний бие төлөөлөгч
• 2008-2012 онд Нийслэлийн Иргэдийн Төлөөлөгчдийн Хурлын Тэргүүлэгчдийн нарийн бичгийн дарга
• 2008-2012 онд Нийслэлийн гэмт хэргээс урьдчилан сэргийлэх ажлыг зохицуулах зөвлөлийн нарийн бичгийн дарга
• 2008-2012 онд Монгол Улсын Ерөнхийлөгчийн дэргэдэх Шашны Зөвлөлийн гишүүн
• 2009-2012 онд Монгол Улсын Шүүхийн Сахилгын хорооны гишүүн
• 2012-2016 онд Нийслэлийн Иргэдийн Төлөөлөгчдийн Хурал дахь МАН-ын бүлгийн ажлын албаны дарга
• 2016-2019 онд Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч
• 2019 оноос Нийслэлийн Засаг даргын Хөгжлийн бодлогын асуудал хариуцсан нэгдүгээр орлогч

Шагнал: 

• Нийслэлийн Иргэдийн Төлөөлөгчдийн Хурлын “Хүндэт тэмдэг”
• Улаанбаатар хотын “Хүндэт тэмдэг”
• Улсын онцгой комиссын “Хүндэт тэмдэг”
• Төрийн дээд шагнал “Алтангадас” одон

Маргааш болох НИТХ-ын Анхдугаар хуралдаанаар нэр дэвшигч Ж.Батбаясгаланг 50-аас дээш хувийн саналаар дэмжвэл Ерөнхий сайд захирамж гаргаж, батламжлах хуультай. Тэрбээр томилогдвол НИТХ-ын 8 дахь дарга болох юм байна.

НИТХ-ын анхны дарга Ж.Ядамсүрэн 1992-1996 онд тус албанд ажиллаж байжээ. 

• 1996-2000 онд Ц.Баасанжав
• 2000-2004 онд Т.Билэгт
• 2004-2008 онд Н.Болормаа
• 2008-2012 онд Т.Билэгт 
• 2012-2016 онд Д.Баттулга 
• 2016-2020 онд Ц.Сандуй нар тус тус НИТХ-ын даргаар ажилласан байна.