2020/09/24
Америк доллар
МОНГОЛ БАНК:
2,855.05₮
B30
УЛААНБААТАР
20°
|
B30
УЛААНБААТАР
23°
|
B30
УЛААНБААТАР
11°
|
17:00
S30
19°
18:00
S30
17°
19:00
S29
14°
20:00
S29
12°
21:00
S29
10°
22:00
S29
23:00
S26
00:00
S29
01:00
S29
02:00
S29
03:00
S29
04:00
S29
Энэ мэдээ хуучирсан буюу 2020/06/29 -нд нийтлэгдсэн мэдээ болно.

Г.Дамдинням: Хамгийн түрүүнд хийх ажил Дарханы замыг дуусгах

Б.МАНЛАЙ, IKON.MN
2020 оны 6 сарын 29
iKon.MN
Зураг
Гэрэл зургийг mpa.mn

УИХ-ын сонгуулиас хамгийн олон санал авсан 76 сонгогдогч өнөөдөр гишүүний үнэмлэхээ авлаа. Энэ үеэр сэтгүүлчид шинэ гишүүдийн байр суурийг сонссон юм.


УИХ-ын гишүүн Г.Дамдинням "Шударга, зарчимтай багаар ажиллана. Нийтийн үнэт зүйлийн төлөө нэгдэж ажиллах ёстой гэсэн байр суурьтай байна. Гишүүн болоод хийх эхний ажил Дарханы замын засварыг дуусгах".

Гэрэл зургийг mpa.mn

УИХ-ын гишүүн Ц.Мөнхцэцэг "Төрийн бүх шатандаа үндэсний хэмнэлтийн бодлогыг МАН мөрийн хөтөлбөртөө тусгасан. Төрөөс төрдөг, олон саяын үнээр  өрөө тасалгааг тохижуулдаг байдал алга болно. Нийгмийн болон эрүүл мэнд, боловсролын салбарын гол хөрөнгө оруулалт, томоохон бүтээн байгуулалтын эдийн засгийн хүндрэлээс үл шалтгаалан хийгээд явна. Үндэсний хэмнэлтийн бодлогоор эдийн засгийг даван туулна".

Гэрэл зургийг Mpa.mn

УИХ-ын гишүүн Т.Доржханд "Ирэх 4 жил хэцүү жил байх болно. Ийм үед эдийн засгаа сэргээх, ажлын байраа хамгаалах, бондын өрийг төлөх, хар, саарал жагсаалтаас гарах, монгол хүнийг ажилтай, орлоготой болгох нь энэ Засгийн газрын хамгийн том сорилт байх болов уу. Бид бодлогоор дэмжинэ, байр сууриа хүчтэй илэрхийлнэ. Төрөл бүрийн мэргэжилтэй залуучуудтай хамтарч ажиллана. Шүүмжлэлийг хатуу хэлнэ. Засгийн газартаа дэмжлэг ч болж ажиллана. Ялангуяа засгийн газар төсөвтөө тодотгол яаралтай хийх хэрэгтэй байх. Бодлогын шинэчлэлүүд дээр анхаарч ажиллана. Хуулийн төслүүдийг санаачилж ажиллах төлөвлөгөө бас байна.

Үзэл санаа гэдэг зүйл дээр бид нэгдэж ажиллах ёстой байх. Хүн намын хувьд хүн дээд үзэл санаа гэдэг социал демократ үзэл санаатай. Үүнийхээ төлөө тууштай ажиллана.

Аль нэг намд уусаад шингээд орчих вий гэсэн асуудал байх шиг байна. Тийм зүйл байхгүй.

Сөрөг хүчний хэмжээнд хүчтэй ажиллаж чадна.

Сөрөг хүчин 11 суудалтай байлаа ч гэсэн бид хүчтэй сөрөг хүчний байр суурь дээр байна гэдгээ албан ёсоор мэдэгдье. Дөрвөн жилд залуусын дуу хоолой болж ажиллана".

Гэрэл зургийг mpa.mn

УИХ-ын гишүүн М.Оюунчимэг "Манай намаас урьдчилгаа төлөхгүйгээр ипотекийн зээлд хамрагдаж байгаа хүмүүст 4-6 хувийн хүүтэй зээл олгоно зэрэг амлалтыг өгсөн. Үүнд 62-ын бүлэг онцгой үүргээ гүйцэтгэнэ. Цаг наргүй ажиллана.

Нэлээд том хэмжээний хөрөнгө оруулалтыг тусгасан ч дэлхийн эдийн засаг амаргүй байна. ОУВС-аас гадаад эдийн засаг буурах хандлага байгааг хэлж байна. Тиймээс ярьж байгаад зайлшгүй төсвийн тодотгол хийх байх.

Бид маш өндөр хариуцлагын өмнө ирж байгаа. Хүрэлсүхийн багт өндөр итгэл хүлээлгэсэн. Шударга ёсны тэмцлээ үргэлжлүүлнэ. Улс орон, иргэд рүүгээ чиглэсэн хөрөнгө оруулалтыг хийх тал дээр тууштай ажиллах ёстой гэсэн байр суурьтай байгаа".

www.mpa.mn

УИХ-ын гишүүн Н.Учрал "Иргэдийн үзүүлсэн итгэлийг зүтгэлээр хариулах ёстой. Эдийн засгийн бүтцийг тэлэх ажил руу ханцуй шамлан орох ёстой. Иргэдийн зүгээс хуримтлалын нэгдсэн тогтолцоог бий болгох, боловсрол, тэтгэврийн шинэчлэл хийх саналыг хэлж байсан. Нийгмийн даатгалыг бүхэлд нь шинэчлэх ажил бий.

Хуримтлалын сан бий болгоно гэсэн амлалтаа хэрэгжүүлнэ.

Нийгмийн даатгалын шимтгэлтэй нь орон сууцыг уяж өгнө. Намраас өөрийн санаачилсан хуулийг хэрэгжүүлнэ.

Цаашдаа УИХ-ын үндсэн ажил руугаа их анхаарах болно.

Завгүй өдрүүд ирж байна" гэлээ.

УИХ-ын анхдугаар чуулганыг Ерөнхийлөгч товлон зарлана

УИХ-ын гишүүний үнэмлэхээ авсан 76 хүн тангарагаа өргөж, анхны чуулганаа хийнэ.

УИХ-ын тухай хуульд Анхдугаар чуулганыг ээлжит сонгуулийн санал хураалт явуулсан өдрөөс хойш 30 хоногийн дотор Ерөнхийлөгч зарлигаар товлон зарлаж хуралдуулна гэж заасан байдаг.

Анхдугаар чуулган хуралдах үеэр гишүүд тангарагаа өргөх юм байна.

ВИДЕО:

https://www.facebook.com/iKonNews/videos/622426158629260/

 

x