ХУУЧИРСАН МЭДЭЭ: 2020/03/19-НД НИЙТЛЭГДСЭН
ЭМЯ-наас сургууль, цэцэрлэгийн карантиныг дөрөвдүгээр сарын 30-н хүртэл сунгах санал гаргажээ
iKon.MN
Гэрэл зургийг MPA.mn
Шинэ коронавирусийн дэгдэлттэй холбоотойгоор сургууль, цэцэрлэгийн үйл ажиллагааг гуравдугаар сарын 30-ныг хүртэлх хугацаанд зогсоогоод байгаа билээ.
Энэхүү карантиныг үргэлжлүүлэх эсэхийг Эрүүл мэндийн яамнаас санал авч шийднэ гэдгийг БСШУС-ын сайд Ё.Баатарбилэг өчигдөр мэдэгдсэн.
Тэгвэл дөнгөж сая Эрүүл мэндийн яамны албан ёсны цахим хуудаст сургууль, цэцэрлэгийн карантиныг сунгах нь зүйтэй гэж үзэж байгаа тухай мэдээлэл нийтэлжээ.
Уг мэдээлэлд:
"Эрүүл мэндийн яам дөрөвдүгээр cарын 30-н хүртэл сургууль, цэцэрлэгийн карантиныг сунгах нь зүйтэй гэж үзэж байна. Гадаад улс орнууд хорио цээрээ чангалж, манай улсад коронавирус зөөвөрлөгдөн орж ирсэн үед хорио цээрийн дэглэмийг үргэлжлүүлж халдвар тархахаас урьдчилан сэргийлнэ" гэжээ.
ЭМЯ-ны энэхүү саналыг БСШУС-ын сайд Баасан гарагт хуралдах УОК-ын хуралдаанд танилцуулах юм.
ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
