ХУУЧИРСАН МЭДЭЭ: 2019/12/25-НД НИЙТЛЭГДСЭН
Байгалийн түүхийн музейн өмнө байсан хоёр чулуун арсланг Богдын музейн гадаа байрлуулжээ
iKon.MN
Байгалийн түүхийн музейг Их тэнгэрийн аманд барих Засгийн газрын шийдвэр гарч, музейн үзмэр, эд өлгийн зүйлсийг Үлэг гүрвэлийн музейд шилжүүлсэн юм.
Ингээд тус музейн барилгыг бага багаар нураасаар,12 дугаар сарын 6-ны шөнө нурааж дуусгасан билээ.
Харин музейн өмнө байсан хоёр чулуун арсланг Богд хааны ордон музейн "Амгалан энхийн хаалга"-ны өмнө байрлуулжээ.
Байгалийн түүхийн музейн өмнөх хоёр арслан /Гэрэл зургийг mpa.mn/
Хоёр чулуун арслан нь Богд хааны Шар ордны өмнө байсан бөгөөд 1954 онд Улсын төв музейн барилга /Одоогийн Байгалийн түүхийн музейн нураагдсан барилга/ ашиглалтад ороход өмнө нь байрлуулсан түүхтэй.
Ийнхүү устаж үгүй болсон Богд хааны шар ордонд холбогдох нэгэн түүхийн үнэт дурсгал эдүгээ Богд хааны Ногоон ордны өмнө залагджээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
