Шинэ Зеландын супермаркет аутизмтай хүмүүст үйлчлэх цагтай болов
Шинэ Зеландын хамгийн том супермаркетын сүлжээнүүдийн нэг “дуу чимээгүй цаг” буюу аутизмтай хүмүүст үйлчлэх тусгай цагийг бүх салбартаа нэвтрүүлжээ.
Зөвхөн аутизмтай төдийгүй айж түгших сэтгэцийн эмгэгтэй, эсвэл зүгээр л энгийн даруу орчинд дуртай өндөр настнууд энэ цагт үйлчлүүлж болох юм байна.
Долоо хоног бүрийн Лхагва гарагийн 14:30-аас 15:30 цагийн хооронд Countdown сүлжээний дэлгүүрүүд нь гэрлээ бүдгэрүүлж, дуу хөгжим хориглож, бараа бичүүлэхэд дуугардаг хонхны чимээг хүртэл багасгах гэнэ. Мөн нийтэд мэдээлэл хүргэх чанга яригч нь онцгой шаардлагагүй бол ажиллахгүй, бараа шинээр өрөх, тэргэнцрүүд цуглуулах ажлыг ч түр завсарлах ажээ.
Аутизмтай хүүхэдтэй тус дэлгүүрийн нэг ажилтны санаачилгаар хэсэг хугацаанд зарим салбар дээрээ туршсаны эцэст өнөөдөр бүх 180 дэлгүүртээ нэвтрүүлэхээр болсон байна.
Эх сурвалж: The Guardian
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
