БАРИМТ: Ерөнхий прокурорын орлогч Б.Амгаланбаатар хоёр жил дараалан ЖДҮХС-аас зээл авжээ

Гэрэл зургийг УЕПГ-ын албан ёсны вэб сайтаас авав.

Иргэдэд очих ёстой байсан Жижиг, дунд үйлдвэрийг хөгжүүлэх сангийн (ЖДҮХС) зээлээс төрийн өндөр албан тушаалтнууд нэн хөнгөлөлттэй нөхцөлөөр, мэдээлэлд ойр давуу байдлаа ашиглан зээл авдаг тухай Ikon.mn  цувралаар хүргэсээр байгаа билээ.

Бид өмнөх цувралуудаараа 2018 онд зээл авсан хүмүүсийн талаар мэдээлж байсан бол энэ удаа 2017 онд зээл авсан төрийн өндөр албан тушаалтнуудын нэрсийг зарлаж байна.

Шүүлтийн явцад Монгол Улсын Ерөнхий прокурорын орлогч, Төрийн хууль цаазын шадар зөвлөх Б.Амгаланбаатарын 100 хувийн эзэмшлийн "Цаст согоот" ХХК 2017, 2018 онд хоёр жил дараалан ЖДҮХС-аас зээл авсан нь баримтаар нотлогдлоо.

Баримт 1: "Цаст согоот" 2017 онд ЖДҮХС-аас зээл авсан компаниудын нэрсийн жагсаалтын 95 дугаарт, 2018 онд ЖДҮХС-аас зээл авсан компаниудын 112 дугаарт байна.

/2017 онд ЖДҮХС-аас зээл авсан компаниудын жагсаалтыг ЭНД, 2018 онд ЖДҮХС-аас зээл авсан компаниудын жагсаалтыг ЭНД дарж харна уу/.

Баримт 2: Монгол Улсын Ерөнхий прокурорын орлогч, Төрийн хууль цаазын шадар зөвлөх Б.Амгаланбаатар хамгийн сүүлд гаргасан ХОМ-тээ "Цаст согоот" компанийг 100 хувь эзэмшдэгээ мэдээлсэн байна.