УИХ-ын ГУРВАН ГИШҮҮНИЙ эзэмшдэг компани ТӨРӨӨС ДЭМЖЛЭГТ ЗЭЭЛ АВСАН НЬ ТОДОРХОЙ БОЛОВ

УИХ-ын гишүүн Х.Болорчулууны "Дорнод гурил", Г.Солтаны "Монгол Шаазан", Зам, тээврийн хөгжлийн сайд Я.Содбаатарын "Эпато анарваан", ХХААХҮ-ийн сайд Б.Батзоригийн "Тээвэр ачлал" компаниуд Жижиг, дунд үйлдвэрлэлийг хөгжүүлэх сангаас (ЖДҮХС) хөнгөлөлттэй зээл авсан тухай мэдээлэл гараад байгаа билээ. 

Энэ тухай ЖДҮХС-ийн Тамгын хэлтсийн дарга Ш.Сугар тайлбар өгөхдөө "Б.Батзориг сайдын холбогдоод байгаа "Тээвэр ачлал" компани түүний эхнэр Отгонжаргалтай хамааралтай нь нотлогдоогүй, үүсгэн байгуулагч нь н.Баттулга гэж хүн байсан. Тэгвэл "Дорнод гурил" компанийн үүсгэн байгуулагч нь УИХ-ын гишүүн Х.Болорчулуун бол байсан. Тэрбээр итгэмжлэл гаргаж өгсөн.  "Монгол шаазан" компанийн үүсгэн байгуулагч мөн Г.Солтан гишүүн байсан бид гэрээ хийсэн. "Эпато анарваан" компанийн үүсгэн байгуулагч нь Б.Мөнгөнцэцэг гэж хүн байсан. Бид гэрээ хийсэн" гэж мэдээллээ. 

Ш.Сугарын яриаг бүрэн эхээр нь үзэх:

Тэгвэл УИХ-ын гишүүдийн хөрөнгө орлогын мэдүүлгээс үзвэл УИХ-ын гишүүн Х.Болорчулуун нь "Дорнод гурил" компанийн 100%-ийн, УИХ-ын гишүүн Г.Солтан "Монгол шаазан" компанийн 100%-ийн, УИХ, Засгийн газрын гишүүн Я.Содбаатар "Эпато анарваан" компанийн 100%-ийн эзэмшигч болохоо бичсэн байна. 

Харин Б.Батзориг сайдын хөрөнгө орлогын мэдүүлэгт  "Тээвэр ачлал" компани байсангүй. 

Баримтууд, УИХ-ын гишүүдийн хамаарал бүхий компаниудын тухай, Хөрөнгө орлогын мэдүүлэгт:

 

 

 

 

Та бүхэн УИХ-ын гишүүдийн Хөрөнгө орлогын мэдүүлэгтэй ЭНД дарж дэлгэрэнгүй танилцаж болно. 

Тэгвэл дээрх гишүүдийн 100% эзэмшдэг нэр бүхий компаниуд ЖДҮХС-гаас дэмжлэг авсныг ЖДҮХС мэдээлжээ. 

Баримт: ЖДҮХС-гаас зээл авсан компаниудын жагсаалт

 

Ямартай ч жижиг дунд үйлдвэрлэлийг дэмжих сангаас 300 сая төг.-өөс 2 тэрбум төг хүртэлх зээлийг таван жилийн хугацаатай гурван хувийн хүүтэй олгодог билээ. Ингэхдээ эхний хоёр жилд зөвхөн хүүгийн төлбөр, үлдсэн гурван жилд үндсэн зээлээ төлж барагдуулах үүрэг хүлээдэг байна. Өөрөөр хэлбэл тун өгөөжтэй зээл юм. 

 ЖДҮХС нь Хүнс, хөдөө аж ахуй, хөнгөн үйлдвэрийн Сайдын 2009 оны 1 тоот тушаалаар “Хүнс, хөдөө аж ахуй, хөнгөн үйлдвэрийн яам”-ны “Жижиг, дунд үйлдвэрийг хөгжүүлэх сан” нэртэйгээр үүсгэн байгуулагдсан бөгөөд түүнээс хойш хэд хэдэн яамны харьяалалд чиг үүргийн дагуу шилжсэн боловч  өнөөдөр ууган яамныхаа харьяанд буюу Хүнс, хөдөө аж ахуй, хөнгөн үйлдвэрийн яамны харьяа Жижиг, дунд үйлдвэрийг хөгжүүлэх сан нэрийн дор 24 ажилтан албан хаагчтайгаар үйл ажиллагаагаа явуулж байна.

Энэ мэдээлэл нийтлэгдсэний дараагаар бид Б.Батзориг сайд эхнэрийнхээ мөн компанид зээл өгснийг баримтаар баталгаажууллаа.  ЭНД дарж уншина уу.