С.Эрдэнэ ЭТТ-д оператораар ажилладаг

"Эрдэнэс Таван Толгой" ХК-ийн Үйлдвэрчний эвлэлийн дарга С.Эрдэнэ өнөөдөр эсэргүүцлээ илэрхийлж, хэвлэлийн бага хурлын үеэр өөрийгөө шатаах оролдлого хийсэн билээ.

С.Эрдэнэ нь тус компанид дөрвөн жил ажилласан бөгөөд операторын ажил эрхэлдэг ажээ. Түүний биеийн байдлын талаар ЭТТ компанийн хэвлэлийн албанаас тодруулахад "Эмнэлэг рүү хүн эргэх гээд явсан. Энэ асуудлын талаар манай удирдлагууд 17:00 цагт компанийн байран дээрээ мэдээлэл хийнэ" гэв.

Тэрбээр одоо ГССҮТ-д эмчлүүлж байгаа аж. 17:00 цагт болох хэвлэлийн хурлын мэдээллийг шуурхай хүргэх болно.