Ц.Элбэгдорж Ази тивээс үг хэлж буй гурав дахь төрийн тэргүүн болно
Монгол Улсын Ерөнхийлөгч Ц.Элбэгдоржид Европын Парламентын Нэгдсэн чуулганд оролцож, үг хэлэх урилга өнгөрсөн сард ирсэн билээ.
Энэ нь Европын Холбооноос Монгол Улсад үзүүлж буй томоохон хүндэтгэлийн хэлбэр бөгөөд өмнө нь Европын Парламентын чуулганд Ази тивээс хоёр улсын төрийн тэргүүн л үг хэлж байжээ.
Ийнхүү манай улсыг хүндэтгэн урьсан нь ардчилсан хувьсгалын 25 жилийн ой, ардчиллыг амжилттай нутагшуулсан зэргийг үнэлэн Ерөнхийлөгч Ц.Элбэгдоржийг үг хэлэхийг хүссэн байна.
Европын Холбоо нь 28 орны 751 гишүүнтэй бөгөөд таван жил тутамд гишүүн орны иргэдээс Европын Парламентыг сонгодог бөгөөд Европын Парламентын Ерөнхийлөгч Мартин Шульцээс Ерөнхийлөгчид энэхүү урилга иржээ.
Ц.Элбэгдорж энэхүү чуулганы хоёр дахь өдөр буюу энэ сарын 9-ний өдөр үг хэлэх юм байна.
Европын Парламентын чуулган Бүгд Найрамдах Франц Улсын Страсбург хотноо болох бөгөөд энэхүү айлчлалын үеэр Монгол Улсын Ерөнхийлөгч Европын Холбооны улсын хүндтэй зочид төлөөлөгчидтэй хамтын ажиллагаагаа өргөжүүлэх уулзалт, хэлэлцээ хэд хэдийг хийхээр төлөвлөжээ.
Европын Холбоотой харилцан хамтын ажиллагаагаа ийнхүү батжуулж, сайжруулах нь улс төрийн төдийгүй, эдийн засаг, хөрөнгө оруулалтын хувьд нааштай үр дүн авчрах байх хэмээн албаныхан үзэж байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
16 СЭТГЭГДЭЛТЭЙ
|
