"Дулаан хангамжийн гэрээ байгуулах хугацааг аравдугаар сарын 2-ныг хүртэл сунгасан"
2026–2027 оны дулааны эрчим хүч худалдах, худалдан авах гэрээ байгуулах хугацааг сунгажээ.
Энэ тухай "УБДС" ТӨХК-аас "Энэ жилийн халаалтын улирлын гэрээгээ байгуулж амжаагүй байгаа бол 10 дугаар сарын 2-ныг хүртэл гэрээ байгуулах хугацааг сунгасан.
УБДС компанид тусгай зөвшөөрөлтэй, тоон гарын үсэг олгож буй компанийн ажилтнууд ирж ажиллаж байгаа юм. Ингэснээр тоон гарын үсгийг газар дээр нь авч, гэрээ байгуулах боломжтой" гэж мэдээллээ.
Дулааны эрчим хүч худалдах, худалдан авах гэрээ байгуулахад:
- Иргэн бол иргэний үнэмлэхтэйгээ өөрийн биеэр ирнэ.
- ААН, Байгууллага бол гүйцэтгэх захирал өөрийн биеэр ирнэ. Байгууллагын гэрчилгээний хуулбар, гүйцэтгэх захирлын иргэний үнэмлэхийн хуулбар, тамга, захирал биеэр ирэх боломжгүй бол итгэмжлэгдсэн ажилтан итгэмжлэл, иргэний үнэмлэхтэйгээ ирнэ.
"Гэрээг 10 дугаар сарын 2-ны дотор буюу хугацаандаа байгуулаагүй бол хэрэглэгчийн дулаан хангамжийг хязгаарлах арга хэмжээ авна" гэж тус компаниас мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
