Нийслэл хотод сургууль, цэцэрлэгийн нийт 136 барилга баригдаж байгаа гэж танилцуулав
Нийслэл хотод энэ жил сургуулийн 67, цэцэрлэгийн 53, бага сургууль цэцэрлэгийн цогцолборын 16 барилга баригдаж байгаа аж.
Энэ тухай Нийслэлийн Боловсролын Газрын дарга Б.Амартүвшин "Сургуулийн 67, цэцэрлэгийн 53, бага сургууль, цэцэрлэгийн цогцолбор барилга 16, спорт заалны 3 барилга тус тус баригдаж байна.
Үүнээс улсын төсвийн хөрөнгөөр 40, нийслэлийн төсвөөр 60, дүүргийн төсвөөр 14, Азийн Хөгжлийн Банкны төслөөр 22, бусад эх үүсвэрээр 3 барилга баригдаж байгаа юм" гэв.
Нийслэлийн энэ оны төсвөөс сургууль, цэцэрлэгийн хүртээмжийг нэмэгдүүлэхэд ₮11.9 тэрбумыг зарцуулахаар баталсан бол өнгөрсөн 2025 онд тусгайлсан төсөв тусгаагүй байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
