Зэвсэгт хүчний 013 дугаар ангийн буудлагын сургалтын төвийн байрыг шинээр барьж, нүүлгэн шилжүүлэхэд ₮7.5 тэрбумыг зарцуулна
Туулын хурдны замын бүтээн байгуулалтын трасст орсон Зэвсэгт хүчний 013 дугаар ангийн буудлагын сургалтын төвийг нүүлгэх шийдэлд хүрээд буй.
Уг полигоныг нүүлгэн шилжүүлэх зардлыг нийслэлийн ирэх оны төсөвт тусгаж, баталжээ. Тодруулбал ирэх онд Зэвсэгт хүчний 013 дугаар ангийн буудлагын сургалтын төвийн одоогийн барилга байгууламжийг шинээр барьж, нүүлгэн шилжүүлэхэд 7.5 тэрбум төгрөгийг зарцуулах юм байна.
2026 оны гуравдугаар сараас Туулын хурдны замын бүтээн байгуулалтыг гүйцэтгэж, 2027 оны долоодугаар сарын 1-нд зорчих хэсгээ нээхээр төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
