УИХ-ын даргын үүргийг дэд дарга Ж.Бат-Эрдэнээр гүйцэтгүүлэхээр болов
Чуулганы нэгдсэн хуралдаанаар Монгол Улсын Их Хурлын даргын үүрэг гүйцэтгүүлэх тухай тогтоолын төслийг хэлэлцлээ.
Уг тогтоолын төсөлд УИХ-ын даргыг томилогдох хүртэл түр хугацаанд түүний үүргийг дэд дарга Ж.Бат-Эрдэнээр гүйцэтгүүлэх тухай тусгасан байна.
УИХ-ын дарга Д.Амарбаясгалан аравдугаар сарын 17-нд өөрийн хүсэлтээр огцорсноос хойш Ардчилсан Намын бүлгээс УИХ-ын дэд даргаар сонгогдсон Б.Пүрэвдорж чуулганы хуралдааныг удирдаж байгаа юм.
Санал хураалт явуулахад хуралдаанд оролцсон 80 гишүүн 100 хувийн саналаар УИХ-ын даргыг томилогдох хүртэл түүний үүргийг УИХ-ын дэд дарга Ж.Бат-Эрдэнээр гүйцэтгүүлэхийг дэмжив.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
