Япон улс Монголын зэвсэгт хүчинд радарын систем тусламжаар нийлүүлэх болсныг зарлажээ
Монгол улсын зэвсэгт хүчинд нислэгийн хөдөлгөөнийг хянах радарын систем тусламжаар нийлүүлэх болсныг Япон улсын гадаад хэргийн яам өчигдөр зарлажээ.
Ижил үзэл санаатай улс орнуудтай аюулгүй байдлын хамтын ажиллагаагаа хөгжүүлэх зорилготой тусламжийн хөтөлбөрийн хүрээнд нийлүүлж буй уг системийн өртөг 1.3 тэрбум иен ($8.7 сая) болохыг гадаад хэргийн яамны мэдэгдэлд дурдсан байна.
Монгол улсад суугаа Япон улсын элчин сайд Масару Игахавара, Монгол улсын батлан хамгаалахын сайд С.Бямбацогт нар радарын системийг нийлүүлэхтэй холбоотой бичиг баримтад энэ сарын эхээр гарын үсэг зурсныг бас мэдээлжээ.
Радарын систем ашиглалтад ороход цөөн хэдэн жилийн хугацаа шаардах юм байна.
Монгол улс нь ийм гэрээг Япон улстай байгуулсан дэлхийн 16 дахь улс болж байгаа ажээ.
Радарын систем нь Монгол улсын зэвсэгт хүчний “нислэгийн хөдөлгөөний хяналт удирдлагын чадавхыг бэхжүүлж, хууль дээдлэх зарчимд суурилсан агаарын орон зайн аюулгүй байдлыг хангахад хувь нэмэр болно” гэж үзэж байгаагаа Японы гадаад хэргийн яам мэдэгдсэн байна.
Бүс нутагт Хятад улсын цэрэг зэвсгийн хүчин чадал нэмэгдэж байгаатай холбогдуулан Япон улс өөрийн болон бүс нутгийн аюулгүй байдлыг хангах зорилготой батлан хамгаалах тусламжийн хөтөлбөрийг 2023 онд эхлүүлж байжээ.
Тус улс 2025 оны төсөвтөө уг хөтөлбөрт 8.1 тэрбум иений хөрөнгө хуваарилахаар тусгасан ч одоогоор хүлээн авах орнуудыг тодруулаагүй байна.
Энэ тоо нь 2024 оны санхүүгийн жилийн 5 тэрбум иенээс 60 орчим хувиар өссөн дүн юм.
Эх сурвалж: Kyodo News
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
