• 11 сарын 27, Лхагва
|
Уншиж байна ...
ХУУЧИРСАН МЭДЭЭ: 2024/08/01-НД НИЙТЛЭГДСЭН

Б.Батцэцэг: АНУ-ын талаас англи хэлний сургалтын төв байгуулах, монгол багш нарыг чадавхжуулах асуудлыг ярьж тохирлоо

М.Батчимэг, ikon.mn
2024 оны 8 сарын 1
IKON.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Америкийн Нэгдсэн Улс(АНУ)-ын Төрийн нарийн бичгийн дарга Энтони Блинкен манай улсад айлчилж байна.

Өнөөдөр тэрбээр Монгол Улсын Гадаад харилцааны сайд Б.Батцэцэгтэй албан ёсны хэлэлцээ хийсэн юм. Энэ үеэр хэлэлцсэн асуудлынхаа тухай талууд хамтарсан мэдээлэл хийв.

Гадаад харилцааны сайд Б.Батцэцэг "Өнөөдөр бид Монгол Улсын хөрөнгө оруулалтын орчныг илүү сайжруулах ёстой талаар ярилцлаа. АНУ-ын талаас олон аж ахуйн нэгж Монголд хөрөнгө оруулахад бэлэн байгаагаа Төрийн нарийн бичгийн даргаар дамжуулж мэдэгдсэнд таатай байна. Хөрөнгө оруулалтын төслүүдийн талаар тодорхой мэдээлэл солилцлоо.

Энэ удаагийн айлчлалын үр дүнд Монгол Улс англи хэлийг хоёр дахь гадаад хэл болгосонтой холбогдуулан АНУ-ын талаас эхний ээлжид англи хэлний сургалтын төвийг байгуулахаар болсон шийдвэрээ дуулгалаа. Мөн Монгол англи хэлний багш нарыг сургах, чадавхжуулах, мэргэжил дээшлүүлэх асуудлыг ярьж тохиров. 

Хоёр улсын хооронд шууд нислэг эхлүүлэх, эрчим хүчний яриа хэлэлцээг энэ онд багтааж Улаанбаатар хотноо зохион байгуулах, 2020 онд байгуулсан хүүхэд хамгааллын түншлэлийн компакт гэрээг сунгах зэрэг асуудлаар тохиролцоонд хүрсэндээ сэтгэл хангалуун байна" гэв.