АНУ-ын Нью Йорк хотноо болсон НҮБ-ын Ерөнхий Ассамблейн 76 дугаар чуулганд оролцсон Монгол Улсын Ерөнхийлөгч У.Хүрэлсүх өчигдөр орой эх орондоо ирлээ.
Тэрбээр Ерөнхий Ассамблейн Ерөнхий санал шүүмжлэлд Монгол Улсын байр суурийг илэрхийлж үг хэлсэн.
Энэ үеэр 2030 он гэхэд Монгол Улс тэрбумаар тоологдох хэмжээний мод тарих хөдөлгөөнийг эхлүүлэх гэж байгааг НҮБ-ын индрээс мэдэгдсэн нь олны анхаарлыг татаж байна.
Түүнчлэн Польш, Эстони, Вьетнам улсын Ерөнхийлөгч нар болон НҮБ-ын Ерөнхий нарийн бичгийн дарга Антонио Гутерреш, Колумбын их сургуулийн Тогтвортой хөгжлийн төвийн захирал Жеффри Сакс, НҮБ-ын Хөгжлийн хөтөлбөрийн захирагч Аким Штайнер нартай уулзалт хийсэн юм.
Монгол Улс НҮБ-д 1961 оны 10 дугаар сарын 27-ны өдөр гишүүнээр элссэн түүхтэй. Бүрэн эрхт гишүүн болсноор НҮБ-ын системийн бусад байгууллага, олон улсын гэрээ, хэлэлцээрүүдэд нэгдэн орох боломжтой болсон. Энэ нь Монгол Улсын гадаад бодлогыг өргөжүүлэх, НҮБ болон бусад гишүүн орны тусламж, дэмжлэгийг авч, хамтран ажиллах боломжийг бүрдүүлсэн байна.
Холбоотой мэдээнүүд:
ЭШЛЭЛ: НҮБ-ын индрээс Монгол Улсын Ерөнхийлөгчийн хэлсэн үг
Польш улсын ЭСЯ-ыг Улаанбаатарт нээх болсныг тус улсын ерөнхийлөгч мэдэгдлээ
Жеффри Сакс: Монгол Улсын чадавхыг ашиглан тогтвортой хөгжлийн бодлогыг чиглүүлэхэд туслахад бэлэн
Монгол Улсын Ерөнхийлөгч У.Хүрэлсүх БНСВУ-ын Ерөнхийлөгчтэй уулзав
Монгол Улс НҮБ-ын энхийг сахиулах ажиллагаанд цэрэг илгээгч 122 орноос 24 дүгээрт жагсаж байна
Ерөнхийлөгч У.Хүрэлсүх АНУ-ын Нью Йорк хотноо хүрэлцэн ирлээ