Ё.Нямжав: Монголын ЖДҮ-ийн бараа бүтээгдэхүүнийг Хятадын зах зээлд гаргахад хамтарч ажиллах боломж байгаа

Эх сурвалж: Жижиг дунд үйлдвэрийн газар

Жижиг, дунд үйлдвэрийн газрын дарга Я.Эрдэнэсайхан Шанхай хотод суугаа Ерөнхий консул Ё.Нямжавыг өчигдөр хүлээн авч уулзлаа.

Уулзалтаар Монгол, БНХАУ хоёр орны ЖДҮ-ийн салбарын хамтын ажиллагаа болон Шанхай хотод болдог үзэсгэлэн худалдаанд оролцох чиглэлээр хэрхэн хамтарч ажиллах талаар харилцан санал солилцсон юм.

Ерөнхий консул Ё.Нямжавын зүгээс БНХАУ-ын OPВ  цахим худалдааны платформд Монголын ЖДҮ, бизнес эрхлэгчдийн бараа бүтээгдэхүүнийг байршуулах, таниулах, борлуулах ажиллагааг тус байгууллагатай хамтран хэрэгжүүлэх нь зүйтэйг дурдаад Монголын ЖДҮ-ийн бараа бүтээгдэхүүнийг Хятадын зах зээлд гаргах тал дээр хамтарч ажиллах боломж байгааг онцоллоо.

Эх сурвалж: Жижиг дунд үйлдвэрийн газар

 

Эх сурвалж: Жижиг дунд үйлдвэрийн газар

БНХАУ-ын Шанхай хотод жилдээ 1,000 гаруй том жижиг үзэсгэлэн яармаг зохион байгуулагддаг.

Эдгээр үзэсгэлэнгүүдэд Монголын ЖДҮ эрхлэгчдийг хамруулж, OPВ зэрэг цахим платформуудаар дамжуулан зөвхөн бүтээгдэхүүн борлуулаад зогсохгүй Монгол, Хятад хоёр талын бизнес эрхлэгчдийн хооронд B2B уулзалт  зохион байгуулж, харилцан туршлага солилцох, цахим дэлгүүрүүдэд гарах боломжуудыг ажил хэрэг болгох тал дээр хамтран ажиллахаар мэдээлэл солилцлоо гэж Жижиг дунд үйлдвэрийн газраас мэдээлэв.