2021/04/13
Америк доллар
МОНГОЛ БАНК:
2,849.83₮
B30
УЛААНБААТАР
|
-8°
B30
УЛААНБААТАР
|
-3°
B30
УЛААНБААТАР
|
-8°
02:00
S29
-5°
03:00
S29
-6°
04:00
S29
-6°
05:00
S29
-7°
06:00
S29
-7°
07:00
S30
-6°
08:00
S32
-4°
09:00
S32
-2°
10:00
S32
11:00
S32
12:00
S32
13:00
S32
Энэ мэдээ хуучирсан буюу 2021/01/29 -нд нийтлэгдсэн мэдээ болно.

Өмнөх Засгийн газрын сайд нарын талыг нь улираахаар болжээ

А.Ням-Өлзий, iKon.mn
2021 оны 1 сарын 29
iKon.MN
Зураг
mpa.mn

МАН-ын Удирдах зөвлөлийн хурал өнөөдөр 11:00 цагаас товлогджээ. У.Хүрэлсүхийн Засгийн газар огцрохоо мэдэгдсэнээс хойш дараагийн Засгийн газар ямар хүмүүсээр танхимаа бүрдүүлэх бол гэдэг хамгийн их анхаарал татсан асуудал болоод байсан. 

Тэгвэл МАН-ын удирдлагууд дийлэнх сайд нарын томилгооны асуудалд тохиролцож чаджээ. Тодорхойгүй үлдсэн томилгоог УЗ-ийн хурлаас эцэслэх бололтой.

Бидэнд олдсон мэдээллээр дараах сайд нар улиран ажиллахаар болж байна. Үүнд: 

  • Барилга, хот байгуулалтын сайд Б.Мөнхбаатар
  • Зам тээвэр, хөгжлийн сайд Л.Халтар 
  • Уул уурхай, хүнд үйлдвэрий сайд Г.Ёндон
  • Хөдөлмөр, нийгмийн хамгааллын сайд А.Ариунзаяа
  • Хууль зүй, дотоод хэргийн сайд Х.Нямбаатар
  • Хүнс, хөдөө аж ахуй, хөнгөн үйлдвэрийн сайд З.Мэндсайхан
  • Эрчим хүчний сайд Н.Тавинбэх 

Харин Шадар сайдаар УИХ-ын гишүүн С.Амарсайханыг нэр дэвшүүлэхээр тогтжээ. Уг албан тушаалд УИХ-ын гишүүн асан Ж.Энхбаярын нэр яригдаж байсан ч тэрбээр томилгооноос "зугтан" Сэлэнгэ аймагт яваагаа сошиалаар мэдэгдсэн. 

Хамгийн сонирхолтой томилгоо Соёлын сайдынх. Тус яамны сайдаар Монгол HD телевизийн захирал Ч.Номинг нэр дэвшүүлэхээр болсныг эх сурвалж хэллээ. 

Харин Байгаль орчин, аялал жуулчлал, Боловсрол, шинжлэх ухаан, Батлан хамгаалахын сайд нар тодорхойгүй байна.  Байгаль орчин, аялал жуулчлалын сайдад УИХ-ын эмэгтэй гишүүд өрсөлдөж байгаа гэх мэдээлэл бий. 

Мөн Сангийн сайдад УИХ-ын гишүүн Б.Жавхлангийн нэрийг Удирдах зөвлөл рүү оруулж байгаа аж. 

Харин Гадаад харилцааны яамыг эмэгтэй квотоор орж ирэх хүн "авах" бололтой. 

Өмнөх Засгийн газрын үед хамгийн их хэл аманд өртсөн Эрүүл мэндийн сайдаар ДЭМБ-д ажиллаж байсан н.Дэлгэрмаа гэдэг эмэгтэй өмнөх сайд Т.Мөнхсайхан нарын нэгийг УЗ-өөр хэлэлцүүлэн томилохоор болжээ. 

Удирдах зөвлөл дээр тогтсон нэрсийг УИХ-руу оруулан томилно. 

x