2021/10/22
Америк доллар
МОНГОЛ БАНК:
2,848.97₮
B30
УЛААНБААТАР
10°
|
-5°
B30
УЛААНБААТАР
10°
|
-3°
B30
УЛААНБААТАР
|
-3°
12:00
S32
13:00
S30
14:00
S30
15:00
S30
16:00
S30
17:00
S30
18:00
S29
19:00
S29
20:00
S29
21:00
S29
22:00
S29
23:00
S29
-1°
Энэ мэдээ хуучирсан буюу 2020/09/30 -нд нийтлэгдсэн мэдээ болно.

Монгол улс Ази, Номхон Далайн Худалдааны Гэрээнд нэгджээ

С.Мөнхцэцэг, ikon.mn
2020 оны 9 сарын 30
iKon.MN
Зураг

Монгол Улс өчигдөр Ази, Номхон Далайн Худалдааны Гэрээнд (APTA-Asia Pacific Trade Agreement) нэгдэж, долоо дахь гишүүн нь болжээ.

Монгол улс анх удаагаа бүс нутгийн хөгжиж буй орнуудын худалдааны гэрээнд нэгдсэн нь энэ юм байна. Өмнө нь Бангкокийн Гэрээ гэгддэг байсан APTA-г анх 1975 онд Бангладеш, Энэтхэг, Лаос, Өмнөд Солонгос, Шри Ланка улсууд байгуулж, 2001 онд Хятад улс нэмэгдэж байжээ.

Хятад улс элссэнээс хойш олон жилийн дараа элссэн дараагийн улс нь Монгол болсон байна.

“Хятад улс элссэн 2001 оноос хойш APTA анх удаагаа өргөжиж байна. APTA-г бүс нутгийн орчин үеийн худалдааны гэрээ болгоход энэ нь чухал ахиц дэвшил болох юм” гэж НҮБ-ын харьяа ESCAP (Economic and Social Commission for Asia and the Pacific) байгууллагын гүйцэтгэх нарийн бичгийн дарга Армида Салсиа Алисжахбана твиттер хуудсандаа мэдэгджээ.

APTA-д элссэнээр Монгол улс Өмнөд, Зүүн Өмнөд, Баруун Өмнөд Ази болон Хятадын зах зээлд бараа бүтээгдэхүүнээ бага татвартай нийлүүлэх боломж нээгдэх гэнэ.

“APTA-д элссэн явдал нь Монгол улс бусад гишүүн орнуудтай худалдаа, эдийн засгийн хамтын ажиллагаагаа хөгжүүлэхэд дэмжлэг болохоос гадна эдийн засгаа төрөлжүүлж, бүс нутгийн интеграцид илүү идэвхтэй оролцох боломжийг нээнэ гэдэгт итгэлтэй байна” гэж Монгол улсаас Тайланд улсад суугаа элчин сайд А.Төмөр мэдэгджээ.

APTA-гийн гишүүн орнууд одоо татварын хөнгөлөлтийн хүрээг нэмэгдүүлэх, хөрөнгө оруулалтыг либералчлах асуудлаар тав дах удаагийн яриа хэлэлцээгээ эхлүүлээд байгаа юм байна.

 

Эх сурвалж: South China Morning Post

 

x