2021/10/17
Америк доллар
МОНГОЛ БАНК:
2,848.81₮
B30
УЛААНБААТАР
|
-8°
B30
УЛААНБААТАР
|
-7°
B30
УЛААНБААТАР
|
-7°
16:00
S30
17:00
S30
18:00
S31
19:00
S31
20:00
S31
21:00
S31
-2°
22:00
S31
-2°
23:00
S31
-3°
00:00
S29
-4°
01:00
S31
-4°
02:00
S31
-5°
03:00
S31
-6°
Энэ мэдээ хуучирсан буюу 2020/03/10 -нд нийтлэгдсэн мэдээ болно.

Д.Сарангэрэл: Түүнтэй гар барьж мэндэлсэн хүмүүс, орчуулагч болон KFC-гийн ажилтныг нэгдүгээр хавьталд тооцон, тусгаарласан

А.Ням-Өлзий, iKon.mn
2020 оны 3 сарын 10
iKon.MN
Зураг
mpa.mn

Гуравдугаар сарын 2-ны өдөр Москва-Улаанбаатар чиглэлийн онгоцоор ирсэн Франц улсын иргэнээр шинэ коронавирусийн халдвар илэрсэн талаар Улсын онцгой комиссоос албан ёсоор мэдээлсэн. 

Тухайн иргэний талаар Эрүүл мэндийн сайд Д.Сарангэрэлээс тодрууллаа. 

Тэрбээр “Өнөөдрийн хүртэл коронавирусийн халдвар Монголд бүртгэгдээгүй байлаа. Харамсалтай нь гаднаас зөөвөрлөгдөн бүртгэгдлээ. 

Тухайн иргэн гуравдугаар сарын 7-ны өдөр бие зарайгаад байна гэсэн өгүүлэмжтэй кэмпийнхээ эмчид хандсан. Халууныг нь үзэхэд 37.4-тэй байсан. Гадаадын иргэн халуурсан шинж тэмдэгтэй байсан учраас түүний уулзсан, галт тэргэнд хамт зорчсон, зочид буудлын ажилчид зэрэг хүмүүсийн бүртгэлийн гуравдугаар сарын 7-ноос эхлэн хийж, хаягжуулалт хийсэн. 

Улаанбаатар 40, Дорноговь аймагт 80 хүнтэй уулзсан. Эдгээр хүмүүст өөрийгөө тусгаарлах зөвлөмж өгсөн. 

Галт тэргээр зорчсон 28 хүн, онгоцонд тухайн иргэний суудлаас урагш, хойш, хажуу талын тус бүр гурван эгнээний зорчигдын нэрс бүгд байгаа. Өнгөрсөн шөнө 01:30 цагт шинжилгээний хариу гарсан даруйд иргэдийн нэрсийн дарааллын дагуу ХӨСҮТ-д авчирч, шинжилгээ авч байгаа. 

Франц иргэн Дорноговь аймагт кэмпдээ тусгаарлагдсан. ХӨСҮТ-ийн хоёр баг шаардлагатай эм, тариа, тоног төхөөрөмжтэйгээр Дорноговь аймгийг зорьсон. 

Францын Элчин сайдын яамнаас манайд бичиг ирүүлсэн. Уг бичигт “Онош батлагдаагүй байхад тухайн улсын болон компанийн нэр хүндэд халдаж, олон нийтийн зүгээс ялгаварлах хандлага гарахаас болгоомжилж байна” гэсэн байсан.  

Өвчтөнийг зөөвөрлөх эсэхийг тус аймагт ажиллаж байгаа мэргэжлийн хүмүүс шийднэ. Миний авсан мэдээллээр тухайн иргэний байгаа кэмп тохижилт сайтай, хүчил төрөгчийн хангамж өгөх бололцоотой гэсэн. Дорноговь аймаг нь дижитал рентгэн аппараттай учраас уушгинд нь ямар өөрчлөлт гарсныг газар дээр нь үзэх боломжтой.

Иргэддээ хандаж гуравдугаар сарын 30-н хүртэл тогтоосон каринтинийг сахин биелүүлэхийг хүсч байна. Аль болох тархалтыг хумих арга хэмжээ авч байгаа. Тиймээс иргэд ахмад настан, архаг хууч өвчтэй хүмүүсээ халамжилж, аль болох гадуур явахгүй, маск зүүж, гараа ариутгахыг зөвлөж байна. 

Франц иргэний орчуулагч болон түүний гар барьж мэндчилсэн хүмүүс, kfc-гийн хоол хүргэж  өгсөн ажилтан зэрэг хүмүүсийг нэгдүгээр хавьталд тооцон тусгаарласан. Голомтод ажиллаж байсан эмч, мэргэжилтнүүдийг 14 хоногийн хугацаатай тусгаарлана" гэлээ. 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x