2020 онд дахин төлөвлөлтөд орох гэр хорооллын 13 БАЙРШИЛ
Хот байгуулалт, хөгжлийн газраас (ХБХГ) Барилгын загвар зураг батлуулах, тавигдах шаардлага, түр хашааны стандарт болон гэр хорооллын дахин төлөвлөлтийн талаар өнөөдөр мэдээлэл хийсэн юм.
Энэ үеэр нийслэлийн 13 байршилд гэр хорооллын дахин төлөвлөлтөд оруулах тухай ХБХГ-ын Хэвлэл мэдээлэл, гадаад харилцаа хариуцсан мэргэжилтэн Г.Мөнхтуул хэлэв.
Тэрбээр хэлэхдээ “Хот байгуулалтын хөгжлийн газраас 2020 онд ашиглалтын шаардлага хангахгүй барилгыг дахин барилгажуулах болоод гэр хорооллын газрыг дахин төлөвлөн барилгажуулах гэсэн хоёр томоохон төсөл дээр анхаарч ажиллана.
Үүнтэй холбоотойгоор энэ сарын 20-ныг хүртэл төсөл хэрэгжүүлэгч нэгжийг сонгон шалгаруулалтыг зарласан.
Ашиглалтын шаардлага хангахгүй барилгуудыг дахин төлөвлөх төсөл дээр ирэх долоо хоногт сонгох шалгаруулалт нь явагдаж эхэлнэ.
Улаанбаатар хотын Баянзүрх дүүрэгт 9, Сонгинохайрхан дүүрэгт 2, Чингэлтэй дүүрэгт 2 гээд нийт 13 байршилд гэр хорооллын дахин төлөвлөлт явагдах бөгөөд энэхүү төслийг хэрэгжүүлэх аж ахуйн нэгжийн сонгон шалгаруулалт явуулж байна" гэсэн юм.
Улсын байцаагчийн дүгнэлтээр нийслэлийн хэмжээнд ашиглалтын шаардлага хангахгүй нийт 106 барилга байгууламж байгаа аж.
2020 онд дахин төлөвлөлтөд орох гэр хорооллын байршлууд
Баянзүрх дүүрэг:
Зураг дээр дарж томруулж үзнэ үү.
Сонгинохайрхан дүүрэг:
Зураг дээр дарж томруулж үзнэ үү.
Чингэлтэй дүүрэг:
Зураг дээр дарж томруулж үзнэ үү.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
