БАРИМТ: Д.Эрдэнэбатын хүүгүй, хугацаагүй олгосон зээлүүд
Жижиг, дунд үйлдвэрийг хөгжүүлэх сан /ЖДҮХС/-гаас зээл авсан Засгийн газар, УИХ-ын гишүүд болон төрийн өндөр албан тушаалтнуудын талаарх мэдээллийг бид цувралаар хүргэсээр байгаа билээ.
Зөвхөн энэ Засгийн газрын үед ч бус 2012-2016 оны хамтарсан Засгийн үед салбар хариуцсан сайд нь хэрхэн дураараа зээл олгож байсан талаарх дараагийн баримтыг хүргэж байна.
УИХ дахь АН-ын бүлгийн дарга Д.Эрдэнэбатын 2014-2016 оны хооронд Аж үйлдвэрийн сайдаар ажиллаж байх хугацаандаа сонгон шалгаруулалтгүйгээр компаниудад их хэмжээний зээл өгч байсан баримтыг бид өмнө нь дэлгэж байсан билээ.
Харин энэ удаад түүний нэг удаагийн үйлдлийг бус 2015 оны аравдугаар сарын 13-наас 2016 оны зургаадугаар сарын 9-ний өдөр хүртлэх хугацаанд тушаал гарган иргэн, аж ахуйн нэгжид зээл олгосон баримтуудыг дэлгэж байна. Аж үйлдвэрийн сайд эдгээр зээлийг сонгон шалгаруулалтгүйгээр олгосны зэрэгцээ хүүгийн хэмжээ болон эргүүлэн төлөх хугацааг заагаагүй байна.
Энэ тухай Сангийн Яамны САНХҮҮГИЙН ХЯНАЛТ, ШАЛГАЛТЫН ХЭЛТСИЙН УЛСЫН АХЛАХ БАЙЦААГЧ Г.ЯНЖИНСҮРЭН ярихдаа:
/23.1 тэрбумын зээлээс 7.3 тэрбум нь сонгон шалгаруулалтгүй олгогдсон/
Мөн "Аж үйлдвэрийн цогцолбор” төрийн өмчит ХК-д 1.8 тэрбум төгрөгийн зээлийн 10 сарын хугацаатай, хүүгүй, барьцаагүйгээр олгох тушаалыг 2016 оны хоёрдугаар сарын 8-нд гаргасан байна. Уг нь тус төрийн өмчит компани Хэнтий аймгийн Бор өндөр суманд Газрын тос боловсруулах үйлдвэрийн бэлтгэл ажилд зориулан ийм хэмжээний зээл авсан аж. Гэвч энэ оны нэгдүгээр сарын 10-ны өдрийн Засгийн газрын тогтоолоор тус компанийг татан буулгасан байна. Ингээд 1.8 тэрбум төгрөгийг буцаан төлөлт юу болсон нь тодорхойгүй.
Мөн зарим зээлийг тодорхой нөхцөл огт дурдалгүйгээр олгох тушаал ч гаргасан нь байна. Харин заримд нь таван хувийн хүүтэй, таван жилийн хугацаатай зээл олгохыг ЖДҮХС-гийн захирал Б.Болор-Эрдэнэд даалгасан баримтуудыг бид ил болгож байна.
Баримт 1: Нийт 40 иргэн, ААН-д 2,967,700,000 төгрөгийн зээлийг сонгон шалгаруулалтгүйгээр олгожээ
Баримт 2: "Аж үйлдвэрийн цогцолбор" төрийн өмчит ХК-д 1.8 тэрбум төгрөгийн зээлийг хүүгүй, барьцаагүйгээр олгосон тушаал
