2019/07/16
Америк доллар
МОНГОЛ БАНК:
2,659.50₮
B30
УЛААНБААТАР
29°
|
17°
B30
УЛААНБААТАР
31°
|
17°
B30
УЛААНБААТАР
29°
|
18°
07:00
S30
14°
08:00
S30
16°
09:00
S30
20°
10:00
S30
24°
11:00
S30
26°
12:00
S32
27°
13:00
S32
28°
14:00
S32
27°
15:00
S30
27°
16:00
S30
26°
17:00
S30
26°
18:00
S30
26°
Энэ мэдээ хуучирсан буюу 2018/10/26 -нд нийтлэгдсэн мэдээ болно.

ТАНИЛЦ: Жилийн 2.4 тэр.төгрөгийн орлоготой Ж.Энхбаяр гишүүний ЖДҮХС-гаас ЗЭЭЛ авч "босгосон" БИЗНЕС

Б.Ану
2018 оны 10 сарын 26
iKon.MN
Зургийг Ж.Энхбаярын фэйсбүүкээс ашиглав.

Өнөөдөр УИХ дахь Ардчилсан Намын бүлгээс Жижиг, дунд үйлдвэрийг хөгжүүлэх сангаас (ЖДҮХС) зээл авсан төрийн өндөр албан тушаалтнуудын нэрсийг нэмж зарлаад байна. Тухайлбал, УИХ -ын гишүүн Н.Учрал, Ж.Энхбаяр нар юм. 

Ж.Энхбаяр гишүүний хамаарал бүхий компаниуд энэ сангаас удаа дараа зээл авсан байж болзошгүй тухай мэдээлэл ч олон нийтийн сүлжээнд тархаад байна. 

Төрийн өндөр албан тушаалтнуудын хөрөнгө орлогын мэдүүлэгт Ж.Энхбаяр гишүүн "Газар" ХХК -ийг 100 хувь эзэмшдэг бол Газар Капитал Партнерс ББСБ ХХК -ийн 74 хувийг эзэмшиж байна. 

Баримт 1, УИХ-ын гишүүн Ж.Энхбаярын эзэмшдэг компаниуд,

Зураг дээр дарж томруулж үзнэ үү, 

 

Тэгвэл ЖДҮХС -аас 2018 онд зээл авсан 134 компанийн жагсаалтад түүний  "Газар Буудай" ХХК 950 сая төгрөгийн зээл авсан мэдээлэл багтсан нь олон нийтийн сүлжээнд тараад байгаа юм. 

 

Хүснэгт 1, ЖДҮХС-гаас зээл авсан компаниуд:

 

Баримт 2,

Дээрх баримтаас 2018 онд авсан зээл бол түүний "Газар" ХХК-ийн охин компани болох "Газар Агро" 2016 онд ч ЖДҮХС -аас зээл авч байсан нь тодорхой харагдаж байна. 

Тэрбээр энэ тухайгаа Фэйсбүүк дэх өөрийн албан ёсны хаягтаа ч мэдээлжээ.  Ж.Энхбаяр "Миний тодорхой хувийг нь эзэмшдэг компани монгол үхрийн чанарыг сайжруулах зорилгоор, Сэлэнгэ үүлдрийн үхрийн үржлийн аж ахуйг эрхэлдэг. Энэ төслийн 20-иод хувийн санхүүжилтийг ЖДҮ-ээс авсан байдаг. Гэтэл энэ салбарт хичээж ажиллаж байгаа, хийж бүтээх хүсэлтэй энэ залууст хувьцааны тодорхой хувийг эзэмшсэнээрээ би нэмэр болохоос илүү нэрмээс болох нь их юм даа" гэжээ. 

Ж.Энхбаярын бизнестэй танилц:

Ингэснээр тэрбээр 2016 онд ЖДҮХС-гаас зээл авсан  "Газар Агро" компанийн нэг эзэмшигч болохоо баталжээ. 

Харин одоо Ж.Энхбаяр 2018 онд тус сангаас "Газар Буудай"  гэж компанийн нэрээр авсан зээлээ тайлбарлах үлдээд байна. 

Ж.Энхбаяр нь УИХ-ын гишүүд дотроо орлогоороо хоёрт жагсдаг. Түүний 2017 оны орлого гэхэд 2.4 тэрбум төгрөгт хүрснийг бид төрийн өндөр албан тушаалтнуудын 2017 оны хөрөнгө орлогын мэдүүлэгт дурдсан. 

Угтаа жижиг, дунд бизнес гэж дээд тал нь 1.5 тэрбум хүртэлх төгрөгийн орлоготой компанид олгогддог зээл юм. Гэвч төрийн өндөр албан тушаалтнууд өөрсдийн эзэмшдэг компанийн охин компаниудаар эсвэл хамаарал бүхий этгээдүүдийнхээ эзэмшдэг компаниар зээл авдаг нь ийнхүү  тодорхой болсоор байна. 

x