БАРИМТ: 53.5 тэрбум төгрөгийн үнэ бүхий ҮНЭТ ЭДЛЭЛТЭЙ ТЕГ-ын дарга асан Б.Хурцын компани ч ЖДҮХС-аас зээл авжээ

Гэрэл зургийг MPA.mn

Жижиг, дунд үйлдвэрийг хөгжүүлэх сан (ЖДҮХС) - гаас нэр бүхий улс төрч, албан тушаалтнууд өөрийн нэр дээр болон хамаарал бүхий этгээдийн эзэмшдэг ААН-ын нэрээр их хэмжээний зээл авсан талаарх мэдээлэл цацагдсаар байгаа билээ.

Тэгвэл энэхүү жагсаалтыг ТЕГ-ын дарга асан Б.Хурц удаалж байна. 

Түүний 2017 онд Хөрөнгө орлогын мэдүүлэгтээ дурдсан  “Гранд степп” компани ЖДҮХС-аас зээл авсан ААН-ын жагсаалтад оржээ. Тэрбээр хөрөнгө орлогын мэдүүлгээ гаргах үедээ буюу 2016 онд Тагнуулын Ерөнхий газрын даргаар ажиллаж байсан билээ.

Тухайн үед ХОМ-д мэдүүлснээр Б.Хурц нь “Гранд степп” компанийн 30, 100%-ийг эзэмшдэг гэсэн байна.

Баримт 1, ЖДҮХС -ийн зээл олгосон компаниуд

 

Баримт 2, Б.Хурцын эзэмшдэг компаниуд, 

Зураг дээр дарж томруулж үзнэ үү, 

 

Б.Хурц нь хөрөнгө орлогын мэдүүлэгтээ тус компанийн 30 болон 100 хувийг эзэмшдэг гэж хоёр янзаар бичсэн нь Авлигатай Тэмцэх газрын бүртгэлийн алдаа эсэхийг мэдэхгүй ч ямартай ч тэрбээр  “Гранд степп” компанийн тодорхой хувийг эзэмшдэг нь тодорхой байна. 

Тэрбээр Тагнуулын Ерөнхий Газрын дарга байхдаа хөрөнгө орлогын мэдүүлэгтээ 53.5 тэрбум төгрөгийн үнэ бүхий ҮНЭТ ЭДЛЭЛТЭЙ гэж мэдүүлж байсан. Үүнийгээ дараа нь хадам эцгээсээ өвлөж авсан урлагийн бүтээл гэж тайлбарласан. Тэгвэл 53.5 тэрбум төгрөгийн үнэт эдлэлтэй хүн ийнхүү жижиг, дунд бизнес эрхлэгчидтэй барьцалдан зээл авах нь хэр шударга вэ?!