НИТХ-ын үе үеийн дарга нар нийслэлийн иргэдэд тулгамдаж буй асуудлуудыг сайжруулах талаар ярилцав
НИТХ-ын үе үеийн дарга нарыг одоогийн НИТХ-ын дарга Д.Ихбаяр хүлээн авч уулзжээ.
Уулзалтад НИТХ-ын дарга асан Ц.Баасанжав, Т.Билэгт, Н.Болормаа, Ц.Сандуй, Р.Дагва, Ж.Батбаясгалан нар хүрэлцэн ирсэн бөгөөд тэдний туршлага, уламжлуулан үлдээсэн хамтын ажиллагаа нь өнөөдрийн НИТХ-ын үйл ажиллагаанд үнэтэй хувь нэмэр, суурь болно гэдгийг онцлов.
Энэ үеэр тэд нийслэлийн иргэдэд тулгамдаж буй асуудлууд, цаашид сайжруулах, шинээр хэрэгжүүлэх боломжтой ажлуудын талаар санал солилцжээ.
НИТХ-ын хурлын дарга асан Н.Болормаа “НИТХ нь ахмад, дунд, залуу үеийн хамтын хэлхээ холбоо, туршлага дээр бэхжиж байдаг” хэмээн байр сууриа илэрхийлэв.
Монгол Улсын шинэ Үндсэн хууль 1992 онд батлагдаж, УИХ-ын 1992 оны 23 тоот тогтоолоор Орон нутгийн хурлыг шинэчлэн байгуулснаар 9 дэх НИТХ нь үйл ажиллагаагаа явуулж байна. Энэ хугацаанд 12 хүн даргаар ажилласан байна гэж НИТХ-ын ХМОНХА мэдээлэв.
- 1996-2000 онд Ц.Баасанжав
- 2004-2008 онд Н.Болормаа
- 2008-2012 онд Т.Билэгт
- 2016-2017 онд Ц.Сандуй
- 2016-2020 онд Р.Дагва
- 2020-2024 онд Ж.Батбаясгалан НИТХ-ыг удирдаж байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
