• 12 сарын 22, Ням
|
Уншиж байна ...
Зураг
Зураг
ХУУЧИРСАН МЭДЭЭ: 2024/08/14-НД НИЙТЛЭГДСЭН

Есдүгээр сарын 1-нээс эхлэн орон нутгийн машин нийслэлд 48 цагаас дээш хугацаанд зорчвол хоног тутамд ₮5,000 төлнө

Г.Мөрөн, iKon.mn
2024 оны 8 сарын 14
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн Иргэдийн Төлөөлөгчдийн Хурал(НИТХ)-ын 2024 оны хоёрдугаар сарын 8-ны өдрийн 02 тоот тогтоолоор Улаанбаатар хотод нэвтрэн орж ирж буй орон нутгийн дугаартай тээврийн хэрэгслийн төлбөрийн хувь хэмжээг тогтоож байв.

Үүгээр орон нутгийн дугаартай тээврийн хэрэгсэл Улаанбаатарт нэвтэрснээс хойш 48 цаг болоод гарахад 1,000 төгрөгийн хураамжтай, 48 цагаас дээш бол хоног тутамд 5,000 төгрөгийн хураамж авахаар тогтоосныг Нийслэлийн Замын Хөгжлийн Газрын Захиргаа, санхүүгийн хэлтсийн ахлах мэргэжилтэн Ө.Төрбат танилцууллаа.

Тэрбээр "Дээрх тогтоол батлагдсантай холбоотойгоор нийслэлийн Засаг даргын захирамж наймдугаар сарын 12-нд гарсан. Захирамжийн хэрэгжилтийг хангах хүрээнд есдүгээр сарын 1-нээс Улаанбаатар хотод нэвтрэн орж ирж буй орон нутгийн дугаартай тээврийн хэрэгслээс тогтоолын дагуу 5,000 төгрөгийн нэхэмжлэл үүсгэх болохыг иргэддээ анхааруулъя" хэмээв.

Улаанбаатар хотод хөдөлгөөний эрчим бага үед өдөрт дунджаар орон нутгийн дугаартай 16,000 тээврийн хэрэгсэл зорчдог бол хөдөлгөөний эрчим ихэссэн үед 19,000 хүрдэг байна.

https://www.facebook.com/UlaabaatarMedee/videos/1898546870646200