KFC брэндийн хамт олны зүгээс шинэ коронавирусийн (Covid-19) эрчимтэй тархалттай холбоотойгоор Монгол Улсынхаа хүн ардын эрүүл мэндийн төлөө зогсолтгүй ажиллаж байгаа Мэргэжлийн Хяналтын Газрын хамт олонд 10 сая төгрөгийн үнэ бүхий “Вирусээс хамгаалах нэг удаагийн иж бүрэн хэрэгсэл”-ийг хандивлалаа.
Мөн шинэ коронавирусээс (Covid-19) урьдчилан сэргийлэх зорилгоор улс даяар анхааран ажиллаж байгаа энэ үед KFC брэнд нь салбар бүрдээ ариун цэврийг өндөр сахин тогтмол ариутгал, халдваргүйжүүлэлт хийн, ажилтан бүр амны хаалт зүүн ажиллаж байна.
Энэхүү гамшигт аюулаас сэргийлэхэд хүн бүхний хүчин чармайлт хэрэгтэй тул албан ёсны эх сурвалж бүхий мэдээлэлд итгэж, тайван ухаалгаар хандан, хамтдаа хичээцгээе хэмээн KFC брэндийн зүгээс ард иргэддээ уриалж байна.