2020/04/02
Америк доллар
МОНГОЛ БАНК:
2,776.98₮
B30
УЛААНБААТАР
12°
|
-5°
B30
УЛААНБААТАР
16°
|
-2°
B30
УЛААНБААТАР
17°
|
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
-1°
03:00
S31
-2°
04:00
S31
-2°
05:00
S31
-2°
06:00
S31
-3°
07:00
S32
-2°

"Тодорхой хэмжээнд гэрийн даалгавар өгнө. Энэ бүрт төвөгшөөлгүй сургалтын үйл ажиллагааг ойлгохыг хүсье"

А.Намуун, iKon.mn
2020 оны 2 сарын 19
iKon.MN
Гэрэл зургийг Mpa.mn

Засгийн газрын хуралдаанаас гарсан шийдвэрийг Боловсрол, соёл, шинжлэх ухаан, спортын сайд Ё.Баатарбилэг мэдээлсний дараагаар сэтгүүлчдийн теле хичээлтэй холбоотой асуултад хариулав. 

-Теле хичээлийн үр дүнг яаж хянах вэ. Шалгалт авах уу?

-Сурагчид анх удаа урт хугацаанд гэртээ хичээлээ үзэж байна.

Бүх шатны боловсролын байгууллага, ялангуяа ерөнхий боловсролын сургуульд заах арга зүйн зөвлөмжийг сургууль бүрт хүргүүлсэн.

Гуравдугаар сарын 30-нд хичээл ороход эхний долоо хоногт нь теле хичээлийн агуулгыг бататгах хичээлийг оруулна. Бага насны хүүхдүүд урт хугацаанд завсарласнаар шинээр дасан зохицох хэмжээний хүндрэл үүсдэг. Үүнээс эхлээд хүндрэлүүд гарах тул бататгах, давтах, агуулгын хоцрогдлыг арилгахад анхаарч ажиллана. 

Боловсролын салбарын үйл ажиллагаанд багш, сурагч, эцэг, эхийн хамтын ажиллагаа чухал. Хүүхдүүдэд ихээхэн ачаалал ирнэ. Хүүхдүүдийнхээ сургалтын сайжруулахын төлөө эцэг, эх, багш нар хамтрах учиртай.

Тодорхой хэмжээнд гэрийн даалгавар өгнө. Энэ бүрт төвөгшөөлгүй сургалтын үйл ажиллагааг ойлгохыг хүсье.

Энэ бүх зохицуулалт, хүчин чармайлт нь эцэстээ та бүхний хүүхдүүдийн мэдлэг боловсролыг хоцроохгүйн тулд хийж байгаа ажил юм.

-Нэг хичээл 10-20 минут үргэлжилж байгаа нь богинодож байгаа юм биш үү?

-Хичээлийн 40 минутын турш багш ганцаараа яриад байдаггүй. Хичээлээ заана, хүүхдүүдтэйгээ харилцан ярилцана, нэмж тайлбарласнаар 40 минут болдог. Үүнээс багшийн заадаг хичээлийн үндсэн агуулга нь 15-20 минутад багтдаг. 

Теле хичээл зааж байгаа багш нарын заах арга барил, хандлагад олон нийт эерэг үнэлгээ өгч байгаа. 

-Үүнд хэдэн төгрөгийн зардал гаргасан бэ?

-Салбарын сайдын багц дотроо зохицуулалт хийж байгаа тул төсөвт хүндрэл үзүүлэхгүй байгаа.

Өнгөрсөн хугацаанд хэвлэл мэдээллийн байгууллагууд, телевизүүд ямар нэгэн мөнгө төгрөг авалгүйгээр боловсролын салбарын үйл ажиллагааг дэмжиж ажиллаж байгаад талархаж байна. Одоогийн байдлаар 92 сая төгрөгийн зардал гаргасан.

-Хорио цээрийн дэглэм өмчийн хэлбэр хамаарах уу. Хувийн хэвшлийн сургуулиудын тухайд төлбөрийн асуудал сөхөгдөж байгаа?

-Өмчийн хэлбэр хамаарахгүй бүх шатны сургалтын байгууллагад үйлчилнэ. Хичээлийн жилийн үргэлжлэх, дуусах хугацаа хэвээрээ байгаа.

Хувийн сургуулиудын заавал үзэх хичээл ч телевизээр хүрч байна. Ямар нэг санхүүжилтийн асуудал болон хувийн сургуулиудад хүндрэл гарч байгаа тухай албан ёсоор гомдол санал ирээгүй.

Өнөөдрийн Засгийн газрын хуралдаанаар бүх шатны сургалтын байгууллагын үйл ажиллагааг гуравдугаар сарын 30-ны өдөр хүртэл түр зогсоосон юм. Ингэснээр оюутан, сурагчид хоёр сарын турш Даваагаас Бямба гарагт хичээллэхээр болов. Энэ тухай дэлгэрэнгүй мэдээлийг энд дарж уншина уу.
x