Нийслэлийн сурагчдын амралтын хугацааг сунгах эсэх шийдвэр ирэх долоо хоногт гарах юм байна.
Хуулийн дагуу нийслэлийн сурагчдын амралтыг сунгах эсэх шийдвэрийг Хотын дарга гаргадаг.
Тиймээс Хотын дарга ирэх долоо хоногт шийдвэрээ гаргах талаар эх сурвалж мэдээлэв.
Нийслэлийн сурагчдын хичээл 2020 оны нэгдүгээр сарын 13-нд эхлэх юм. Үүнээс өмнө шийд гарах аж.
Түүнчлэн ЭМЯ-наас Томуу томуу төст өвчинтэй холбогдуулан ЕБС-ийн сурагчдын II улирлын амралтыг сунгах саналыг БСШУСЯ–нд албан тоотоор хүргүүлсэн байна.
Тархвар судлал, лабораторийн тандалт өвчлөлийн хандлагаар цаашид томуугийн өвчөлийн оргил үе 2-4 долоо хоног үргэлжлэх магадлалтай тул сурагчдын амралтыг ийнхүү сунгах саналыг хүргүүлжээ.
Бага, дунд боловсролын тухай хуульд:
15.3.Нутаг дэвсгэрийн байгаль, цаг уур, үйлдвэрлэл, үйлчилгээний онцлог, байгалийн болон нийтийг хамарсан гамшигтай холбогдуулан онцгой дэглэм, хорио цээр тогтоосон нөхцөлийг харгалзан ерөнхий боловсролын сургууль, мэргэжлийн сургалт-үйлдвэрлэлийн төвийн хичээлийн жилийн эхлэх, үргэлжлэх, дуусах хугацааг аймаг, нийслэлийн Засаг даргын саналыг харгалзан боловсролын асуудал эрхэлсэн төрийн захиргааны төв байгууллага тухайн үед нь өөрчилж болно.
15.4.Хичээлийн жилийн эхлэх, үргэлжлэх, дуусах болон суралцагчдын амралтын хугацааг энэ хуулийн 15.3-т зааснаас бусад нөхцөлд өөрчлөх, хичээлийг түр хугацаагаар хаахыг хориглоно гэж заажээ.