СОНГУУЛЬ 2016: Увс аймаг хамгийн өндөр, Улаанбаатар хамгийн бага ирцтэй байна

Сонгуулийн ирцийн талаар СЕХ-оос мэдээлэл хийлээ. Аймаг, нийслэлийн сонгуулийн хорооноос ирүүлсэн мэдээгээр Увс аймаг хамгийн өндөр ирцтэй байна. Тус аймгийн 31 дүгээр тойргийн сонгуулийн ирц 17:00 цагийн байдлаар 81.4 хувьтай байна. 

Харин Нийслэл дотроо хамгийн бага ирцтэй нь Чингэлтэй, Налайх дүүрэг байгаа юм. Тус дүүргүүдийн тойргийн дүнг танилцуулбал:

• 66-р тойрог 40%
• 65-р тойрог 41.3%
• 64-р тойрог 42%
• 63-р тойрог 48.8%-тай байна.

Сонгуулийн ирц нийслэлийн дүнгээр 47 хувьтай, Улсын хэмжээнд 55 хувьтай байгааг СЕХ-ны дарга Ч.Содномцэрэн танилцууллаа.

Нийслэлийн сонгогчдын ирц 50 хувьдаа хүрэхгүй байна. Иймээс иргэдийг сонгуульдаа идэвхитэй оролцож саналаа өгөхийг уриаллаа.