ОХУ-ын Гадаад хэргийн сайд С.В.Лавров манай улсад айлчилна
Монгол Улсын Гадаад хэргийн сайд Л.Пүрэвсүрэнгийн урилгаар ОХУ-ын Гадаад хэргийн сайд Сергей Викторович Лавров энэ оны дөрөвдүгээр сарын 14-ний өдөр Монгол Улсад албан ёсоор айлчлах гэж байна. Айлчлал тун шахуу буюу нэг хоногийн хугацаатай аж.
Энэ үеэр хоёр талын дунд хугацааны стратегийн түншлэлийн батлах төлөвлөгөөтэй байгааг ГХЯ-наас мэдээллээ.
Айлчлалын хүрээнд ОХУ-ын Гадаад хэргийн сайд С.В.Лавров Гадаад хэргийн сайд Л.Пүрэвсүрэнтэй хэлэлцээ хийж, Ерөнхийлөгч Ц.Элбэгдорж, Ерөнхий сайд Ч.Сайханбилэг нарт тус тус бараалхахаар төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
