Эмэгтэй элч нар соёлоо сурталчлав

Гадаад ертөнцөд улсаа төлөөлөн Элчин сайд, консулаар ажиллаж буй манай эмэгтэйчүүд төрийн ажлын зэрэгцээ түүх, соёлоо сурталчлахад багагүй цаг заваа зориулжээ.

Турк улсад Элчин сайдаар ажиллаж буй Б.Дэлгэрмаа, Японы Осака хотноо Ерөнхий консулын албыг хашиж буй Ч.Куланда нарт тухайн улс, орны нөлөө бүхий эрхмүүд, дипломат албаныхан ажилсаг хэмээн ам сайтай байна.

Ч.Куланда үндэсний хөгжим, ардын язгуур урлагаар дамжуулан Монголоо сурталчлахад анхаарч байгаа бол Б.Дэлгэрмаа монгол ахуй, зан заншил, уртын дуугаар дипломатуудын дунд болдог уулзалт цуглааныг чимж тэдний анхаарлыг татаж байна.