АЙЧИ НАГОЯ 2026: Ганбаатарын Ганхуяг, Тогтохын Алтжин нар хүрэл медалийн төлөө барилдана
Азийн наадмын сонгомол, чөлөөт бөхийн хоёр дахь өдөр сонгомол бөхийн гурав, эмэгтэй нэг жингээр үргэлжиллээ.
Сонгомол бөхийн эрэгтэйчүүдийн 97 кг-ын жинд нийт 12 бөх зодоглосноос Ганбаатарын Ганхуяг эхний даваанд хийлээд БНСУ-ын И Мин Хог 3:2-оор илүүрхсэн ч дараа нь Энэтхэгийн Нитешд дийлдэв.
Улмаар хүрлийн төлөө Туркменистаны Аманберди Агамаммедовтой Улаанбаатарын цагаар 17:45 цагт хүч үзнэ.
Тэгвэл эмэгтэйчүүдийн 62 кг-ын жинд хүч сорьсон Т.Алтжин эхний даваанд Балбын Сушила Чандыг оноогоор цэвэр ялсан ч Японы Нонока Озакид ялагдлаа. Ингээд хүрлийн төлөө Энэтхэгийн Манситай Улаанбаатарын цагаар 18:15 цагт өрсөлдөх хуваарьтай байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
