Автомашингүй өдрийн хязгаарлалтын бүсээс өнөөдөр машинаа гаргахыг санууллаа
Маргааш(2026.09.26) буюу Бямба гарагт нийслэл хотод автомашингүй өдөр арга хэмжээг зохион байгуулахаар болоод буйг албаныхан мэдээлсэн.
Автомашингүй өдөр 07:00-18:00 цагийн хооронд Баруун дөрвөн замаас Зүүн дөрвөн зам хүртэл Өгөөжийн уулзвараас Сөүлийн гудамж, Цэцэг төвөөс Цаг уурын уулзвар, Цаг уурын уулзвараас Төрийн ордон, Чингис хааны музей, МУИС, ШУТИС, МУБИС-ийн уулзвараас Зүүн дөрвөн зам хүртэл автомашины хөдөлгөөнийг хязгаарлана.
Харин хязгаарлалтын бүсэд оршин суугаа иргэд урд өдөр нь буюу өнөөдөр автомашинаа тухайн бүсээс гаргахыг ТЦА-наас санууллаа. Тухайн бүсээс маргааш автомашинаа гаргах боломжгүй гэв.
Түүнчлэн хязгаарлалтын бүсэд цахилгаан скүүтэр, мопед, сурронтой иргэдийг оруулахгүй юм байна.
Харин шөнийн марафон нь маргааш 17:00-23:00 цагийн хооронд болох бөгөөд 5, 10, 21 километрийн гүйлтийн үеэр цагдаагийн байгууллагаас олон нийтийн болон замын хөдөлгөөний аюулгүй байдлыг хангаж ажиллах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
