Бямба гарагт “Бага тэнгэр сити-Хан Хиллс -120 мянгат”, “ТЭЦ-3-Баянмонгол хороолол-Монгол тэмүүлэл сургууль” чиглэлийн автобусыг эрт зогсооно
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Есдүгээр сарын 26-ны бямба гарагт Улаанбаатар хотод анх удаа шөнийн марафоныг зохион байгуулахаар болсон. Шөнийн марафон 17:00-23:00 цагийн хооронд болно.
Энэ үеэр нийтийн тээврийн Ч:65, Ч:80, Ч:32Б гэсэн гурван чиглэлийн 24 тээврийн хэрэгсэл есдүгээр сарын 26-ны өдрийн 17:00 цагаас хойш доорх маршрутаар үйлчилгээ үзүүлнэ.
Харин шөнийн марафон зохион байгуулагдахтай холбогдуулан гүйлтийн замналд орж буй зам, талбайд нийтийн тээврийн хэрэгслийн хөдөлгөөнд хязгаарлалт үүсэх тул Ч:84 “Бага тэнгэр сити – Хан Хиллс -120 мянгат”, М:6 “ТЭЦ-3 – Баянмонгол хороолол-Монгол тэмүүлэл сургууль” чиглэлүүдийн тээврийн хэрэгслийн үйлчилгээг 20:00 цагаас өмнө дуусгаж, хөдөлгөөнийг зогсоохоор төлөвлөж байна.
Шөнийн марафоны үеэр:
- ШҮ: 1 Офицер -5 шар
- ШҮ:2-Нисэх-Сүхбаатарын талбай
- ШҮ:3-Сүхбаатарын талбай -Зунжин чиглэлийн автобус шөнийн 02:00 цаг хүртэл иргэдэд үйлчилнэ гэж Нийтийн Тээврийн Бодлогын Газраас мэдээллээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
