“Canon” брэндээс эрүүл амьдралын хэв маягийг уриалсан “Эрүүл Vibe” фото уралдаан зарлалаа
“Canon”брэндийн Монгол дахь албан ёсны дистрибьютер ITStore дэлгүүр эрүүл, идэвхтэй амьдралын хэв маягийг олон нийтэд түгээх зорилготой “Эрүүл Vibe” фото уралдааныг зарлалаа.
Тус уралдаан нь идэвхтэй амьдралын хэв маягийг харуулсан гэрэл зургаар дамжуулан эерэг хандлагыг түгээх зорилготой аж.
Оролцогчид outdoor болон indoor спортын агшин, ууланд алхалт, дугуй унах, фитнесээр хичээллэх үеийн зураг, идэвхтэй амьдралын хэв маяг болон спортын үеийн сэтгэл хөдөлгөм мөчүүдийг илэрхийлсэн бүтээл илгээж оролцох боломжтой. Бүтээл илгээхэд камерын төрөл хамаарахгүй бөгөөд утсаараа авсан зураг ч байж болох юм.
Уралдааны тэргүүн байрт шалгарсан оролцогч “Canon”-ы 30 жилийн ойд зориулан цөөн тоогоор гаргасан “Canon G7X Mark III Graphite 30th Anniversary Edition” камерын эзэн болох бол Дэд байрын шагналд “Canon PowerShot V1”, гуравдугаар байрт “Canon PowerShot V10 Black” камер тус тус багтжээ.
Уралдаанд тавигдах шаардлага, үнэлгээний шалгуур болон бүтээл илгээх дэлгэрэнгүй мэдээллийг Canon Mongolia фэйсбүүк хуудас болон https://canonmongolia.com/ хаягаас аваарай.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
