Тээврийн хэрэгслийн улсын дугаарыг Замын Хөдөлгөөний Удирдлагын Төвөөс олгодог боллоо

Гэрэл зургийг MPA агентлагийн онцгой зөвшөөрөлтэйгөөр ашиглав

Тээврийн хэрэгслийн бүртгэл нийслэлд шилжин ирж байгаатай холбогдуулан бүртгэлийн системд өөрчлөлт оруулах ажлууд хийгдэж, улсын дугаар олголтыг тодорхойгүй хугацаагаар зогсоогоод байв.

Замын Хөдөлгөөний Удирдлагын Төвөөс/ЗХУТ/ өнөөдөр мэдээлснээр тээврийн хэрэгслийн улсын дугаарыг АТҮТ-ийн хуучин олгодог байсан цэгүүдээр хэвийн олгож эхэлжээ.

Өнгөрсөн жилд 50,000-60,000 тээврийн хэрэгсэл импортоор ирж, улсын бүртгэлийн дугаар авдаг байсан бол энэ оны эхний есөн сарын байдлаар 89,000 тээврийн хэрэгсэл улсын бүртгэлийн дугаар авчээ.

ЗХУТ-ийн Зөрчил бүртгэлийн хэлтсийн дарга Ш.Гантөмөр “Улсын бүртгэлийн дугаарын дээд хязгаар 730 мянга давчихсан байгаа. Үүнтэй холбоотойгоор ажлын хэсгээс автобус, чиргүүл, зүтгүүр, мотоцикл, цистерн, механизмыг шалгуур үзүүлэлтэд оруулахгүй байх саналыг журамд тусгуулахаар боловсруулж байгаа” гэв.

Сануулахад өнгөрсөн хоёрдугаар сард НИТХ-аас нийслэлд тээврийн хэрэгсэлд олгох улсын бүртгэлийн дугаарын дээд хязгаарыг 730 мянга байхаар тогтоосноор улсын дугаар олголтыг ЗХУТ-д шилжүүлэх Зам, тээврийн сайдын тушаал гарчээ.

Тээврийн хэрэгслийн улсын дугаар олгож буй нийслэлийн 20 цэг:

1. "Цирк" СБД 3-р хороо "Рояал Плаза" байр
2. "Уран Ган" БГД 3-р хороо "Уран ган" ХКК байр
3. "Тасган" ЧД 23-р хороо "Ти Эс Ти Тасган" байр
4. "Нисдэг машин" ЧД 23 дугаар хороо "Нисдэг машин" худалдааны төвийн 3 давхар 305 тоот
5. "Таван Ган" БЗД 8 дугаар хороо "Таван Ган" ХХК байр
6. "Багануур" Багануур дүүрэг 1-р хороо ЗДТГ-ын 101 тоот.
7. "Нимонс" БГД 20-р хороо, Энхтайваны өргөн чөлөө, Москвагийн гудамж, 47/1-ийн "Нимонс" ХХК байр.
8. "Хөсөг" БГД 20-р хороо "Шинэтулга од" байр
9. И март БГД 13-р хороо И Март худалдааны төв дэх төрийн нэг цэг үйлчилгээний төв.
10. Дүнжингарав БЗД 26 -р хороо Дүнжингарав худалдааны төв дэх төрийн нэг цэгийн үйлчилгээний төв.
11. "Да хүрээ" БЗД 17-р хороо Да хүрээ ХХК трейд
12. "Зайсан" Хан-Уул дүүрэг, 11 -р хороо, Зайсан, Дүнжингаравын гудамж, Батсарай байр 12/1 тоот.
13. "Сонгино" СХД 20 -р хороо Хараекупмент баруун хойд тал
14. "Хоорс Моторс" Хан-Уул дүүрэг 5-р хороо Яармагийн 3-р буудал Наадамчдын гудамж төв зам дагуу "Хоорс моторс" байр
15. "Драгон" СХД 18-р хороо Драгон төвийн уулзвараас хойш 200 метр
16. "Автокком" Хан-Уул дүүрэг, 23-р хороо, Арцатын ам, Автоком ХХК байрны 1266 тоот.
17. "Авмарт" Хан-Уул дүүрэг, 3-р хороо, гурвалжингийн гүүрний урд автомат худалдаа
18. 22 АХЦ СХД 32-р хороо авто худалдааны ложистикийн төв
19. Таван Богд, Олимпын гудамж, Тоёота төв, "Таван Богд" ХХК байр
20. "Мишээл" Хан-Уул дүүрэг 20-р хороо, Мишээл худалдааны төв дэх төрийн нэг цэгийн үйлчилгээний төв.