Автобус зорчих хэвтээ дөрөв, босоо хоёр чиглэлийн маршрутыг Хотын дарга Х.Нямбаатар өнөөдөр танилцуулав. 

Нийтийн тээврийн зургаан шинэ чиглэлийг ирэх оны нэгдүгээр сарын 20-ноос нэвтрүүлнэ гэдгийг хэллээ. 

Тэрбээр маршрутын дэлгэрэнгүйг танилцуулахдаа 

• М1 чиглэл нь Таван шар-Офицеруудын ордон хүртэлх чиглэлд 75 автобус, ойролцоогоор 2-3 минутын давтамжтайгаар нийтийн тээвэрт үйлчилнэ. Эдгээр автобус өөр чиглэлд явахгүй. Эхний автобус ирэхэд араас нь дараагийн автобус 1-2 минут, цаад тал нь гурван минутын давтамжтайгаар зорчигчдоо хүлээж авна.
• М2 чиглэл нь Зунжин худалдааны төвөөс урагш явсаар Сүхбаатарын талбайн зогсоол дээр очно. Улаанбаатарын төв талбайн автобусны зогсоолд баруун талаар тойрч ирээд Соёлын төв өргөөний хажуугаар явсаар зогсоол дээр хүмүүсээ буулгаж, баруун талын гарцаар гараад ордон тойроод хойш явна. 
• М3 чиглэл нь Нисэх-Сүхбаатарын талбайн урд талын уулзвар болох Төв шуудангийн уулзвараар нэвтрээд 20 метр яваад баруун гар тийшээ эргэнэ. Мөн адил машины зогсоол байгаа хэсэг дээр автобусны буудал төлөвлөж байна.
• М4 чиглэл нь Шар хадыг хорооллын эцэстэй холбосон хойд тойруугаар явах чиглэл. Мөн ялгаагүй М2 чиглэлтэй огтлолцоно.
• M5 чиглэл нь Ботаникийн цэцэрлэгт хүрээлэнгээс Дотоод хэргийн их сургуулийн урдуур явсаар Чулуун овоогоор тойрч урагш Нарны зам руу орно. Улмаар Гермес центр ороод буцаад явна. 
• М6 чиглэл нь шинэ зуун айл буюу Дүнжингараваас зүүн тийшээ байгуулагдаж байгаа Шинэ зуун айл  Монгол тэмүүлэл, 130 дугаар сургуулийн орчимд эцсийн буудлыг нь төлөвлөсөн. Энэ нь Баянмонголын гудамжаар яваад Энхтайваны гүүрэн доогуур ороод ТЭЦ3-ийн автобусны эцсийн буудал дээр очдог үндсэн зургаан чиглэлийг нэгдүгээр сарын 20-ноос нэвтрүүлнэ.

"Шугамын шинэчлэлийг хиймэл оюун ухаан, программ хангамж ашиглан боловсруулсан" 

 

Гэрэл зургийг MPA агентлагийн онцгой зөвшөөрөлтэйгөөр ашиглав

Энэ талаар "Нэгдүгээр чиглэл буюу М1 нь хотын баруун, зүүн чиглэл рүү зорчигчдыг хүргэх зорилготой. Харин М2, М3 чиглэлийн хувьд Улаанбаатар хотын хойд болон урд талыг төвтэй холбоно. 

Ингэснээр хэвтээ дөрвөн чиглэл, босоо хоёр чиглэлийг нэвтрүүлнэ. 

Өнөөдрийн байдлаар өдөрт дунджаар 900 орчим автобус нийтийн тээвэрт үйлчилж байгаа. Эдгээр автобусны ихэнх нь уртын шугамаар явж байна. Тухайлбал Зунжин худалдааны төвийн хойноос гараад Нисэх хүртэл явж байгаа уртын шугамуудтай. 

Улмаар их түгжрэлийн үед автобуснууд нэг талдаа түгжрэлд орчихдог. Нөгөө талд нь зорчигчид олон цагаар автобус хүлээдэг. 

Иймд нийслэлийн Нийтийн Тээврийн Газраас шугамын шинэчлэлийг хийхийн тулд хиймэл оюун ухаан, программ хангамж ашиглаж, чиглэлүүдээ боловсруулсан" гэдгийг Хотын дарга Х.Нямбаатар хэллээ.